ଆହେ ଚକାଆଖି – ଅମୂଲ୍ଯ କୁମାର ନାୟକ

Views: 25
0 0
Read Time:1 Minute, 45 Second

 

କୁହ ଚକାଆଖି କାହିଁକି ମଉନେ
ଅଣସର ନେଲ ବରି
ସତରେ ତୁମକୁ ଜ୍ବର କି ଆସୁଛି
ନା ମାନବୀୟ ଲୀଳାକରି ?

ଦାରୁବ୍ରହ୍ମ ପ୍ରଭୁ ଦାରୁର ମୂରତ୍ତି
ତାକୁ କେଉଁ ରୋଗ ହେବ ?
ମୁଁ ସିନା ମଣିଷ ଭରା ହାଡ ମାଂସ
ସବୁ ବ୍ଯାଧି ମତେ ହେବ !

ପାଞ୍ଚ ଟଂକାରେ ମୋ ଡାଲମା ଭାତକୁ
ପଚିଶି ଟଂକାରେ ଓଷ,
ଜଡି ବୁଟି ଆଉ କାମ ଦେଉନାହିଁ
ଫୁଲୁରୀ ତେଲ ମାଲିସ,,

ପାଣି ପବନଠୁ ଧାନ ଚାଉଳ ଯା
ସବୁତ ହେଲାଣି ବିଷ
ନିଶ୍ବାସଟା ଏବେ ବନ୍ଧା ପଡିଅଛି
କରେ ମହାମାରୀ ଗ୍ରାସ ।

ତୁମ ଅଣସର ପନ୍ଦର ଦିନକୁ
ମୋର ହେଲା ଦୁଇ ବର୍ଷ
ତଥାପି ପ୍ରଭୁ ହେ ପାରୁନି ମୁକୁଳି
ସଂସାର ଲାଗୁଛି ବିଷ
।।

ଅମୂଲ୍ଯ କୁମାର ନାୟକ
କଟକ

Share this :
Next Post

ମଣି ତ ମଣି ଉତ୍କଳମଣି(ଶିଶୁ କବିତା) - ସୁସ୍ମିତା ଶତପଥି

  ଶୁଣରେ ପିଲାଏ ମନ ଦେଇ ଶୁଣ ଉତ୍କଳମଣି ଙ୍କ କଥା ଗୋପବନ୍ଧୁ ଦାସ ନାମଟି ତାଙ୍କର ଚରଣେ ନୁଆଁଅ ମଥା। ପୁରୀ ଜିଲ୍ଲା ର ସୁଆଣ୍ଡୋ ଗ୍ରାମରେ ଜନ୍ମ ସିଏ ଲଭିଥିଲେ ଉତ୍କଳ ଭୂଇଁ ର କଷଣ କୁ ଦେଖି ନିଜ ସୁଖ ଭୁଲିଗଲେ। ଝଡି,ବଢ଼ି ଯେବେ ଆସୁଥିଲା ମାଡ଼ି ଆଖି ରେ ଲୋତକ ଧାର ଚୁଡ଼ା ଚାଉଳ କୁ ପୁଡା କରି ସିଏ ବାଣ୍ଟୁ ଥିଲେ ଘର […]

Subscribe US Now