ଅନେକ ଦିନ ବିତି ଯିବା ପରେ – ଡି. ଉତ୍ତମ କୁମାର ଦୋରା

Views: 24
0 0
Read Time:3 Minute, 15 Second

ଅନେକ ଦିନ ବିତି ଯିବା ପରେ
ପୁଣି ଜହ୍ନ ଆଉ ମୁ ଏକାଠି ହୋଇଛୁ ଗୋଟିଏ ଆକାଶ ତଳେ
ହେଲେ ଆଜି ତା ଜୋଛନା ସ୍ପର୍ଶରେ ସେ ଶୀତଳତା ନାହିଁ
ଆଲୋକ ସାଥେ ସତେ ମିଶି ଯାଇଛି ବେଦନାର ଜ୍ୱାଳା ||

ମର୍ମାହତ ପ୍ରାୟ ପ୍ରତିଟି ମୁହୂର୍ତ
ସତେକି ଏ ରାତି ତାତ୍ସଲ୍ୟ କରୁଛି ଅତି ନୀରବରେ
ପାର୍ଶ୍ୱ ପ୍ରତିକ୍ରିୟା ସହ ଯନ୍ତ୍ରଣା ଢାଳୁଛି
ବିଛୁରିତ ହୋଇ ମୋ ରାତି ରାଇଜରେ ||

କର୍କସ କଣ୍ଠ ସ୍ୱର ଜୀର୍ଣ୍ଣ ହୃଦୟର
ବାର୍ତା ବାହାନ କରୁଛି ମୋ ପ୍ରତିଟି ଶବ୍ଦ
ଝଙ୍କାର ତ ନୁହଁ ଅଲୋଡ଼ା ଚିତ୍କାର
ସତେକି ଭାଳେଣି ପଡିଛି ମୁର୍ମୁଷ ଆତ୍ମାର ||

ମସ୍ତିଷ୍କର ସନ୍ତୁଳନ ଓ ଭାରସାମ୍ୟ ହରାଇ
ଅନେକ ଗୁଡିଏ ଭାବନା କୁ ଉଜାଗର କରିଛି
ହୃଦୟର ଅନ୍ତ ଗୃହରେ ବନ୍ଦୀ ଥିବା ଯନ୍ତ୍ରଣା
ଆଉ ଅଗଣିତ ଅର୍ଦ୍ଧ ଦଗ୍ଧ ସ୍ମୃତି ||

ଆଜି ଲାଗେ ସତେ ଜୀବନ ଅସ୍ଥପ୍ରାୟ ସୂର୍ଯ୍ୟ
ଶକ୍ତି ହୀନ ପବନ , ଜଳହୀନ ଭଷା ବାଦଲ
କେଜାଣି କେଉଁ ମୁହୁର୍ତରେ ଦୀପ ଶିଖା ଲିଭିଯିବ
ଆଉ ଦୀର୍ଘ ନିଶ୍ୱାସ ସାଥେ ହେବଯେ ବିଲୟ ||

ହେ ଜହ୍ନ ତୁମେ ଲୁଚି ଯାଅ
ଆଜି ରାତିକ ପାଇଁ ବାଦଲ ଗର୍ଭରେ
ନିରୁପାୟ ମୁ କଷ୍ଟ ଲଘିବି କିପରି
ଆର୍ତ୍ତନାଦ ମୋର ଘେନ ହେ ସାଦରେ ||
ଆର୍ତ୍ତନାଦ ମୋର ଘେନ ହେ ସାଦରେ ||

ଡି. ଉତ୍ତମ କୁମାର ଦୋରା

Share this :
Next Post

ଦୀପାବଳି - କବି ସୌରଭ ବୈଜୟନ୍ତୀ ମାଳା ମହାପାତ୍ର

ହୃଦୟ ଦୀପରେ ଜ୍ଞାନର ପ୍ରଦୀପ ଜାଳି ହୁଅ ବଳଶାଳୀ, ତେବେ ଜୀବନଟି ଜ୍ୟୋତିରେ ଭରିବ ସବୁ ଦିନ ଦୀପାବଳୀ ll କଳୁଷିତ ଅନ୍ଧକାର ଦୂର ହେବ ଆତ୍ମ ଜ୍ୟୋତିର ଆଲୋକେ, ସରସ, ସୁନ୍ଦର, ସୁମଧୁର ଧରା ଲାଗିବ ସତ୍ୟ ମହକେ ll ରାଗ, ଦ୍ୱେଷ, ଅହଂକାରର ତିମିର ମନ ଦୀପରୁ ଜଳାଇ, ସ୍ନେହ, ପ୍ରେମ, ସତ୍ୟ, ଶାନ୍ତି ପ୍ରଦୀପରେ ହୃଦକୁ ଆଲୋକ ଦେଇ ll ନକାରାତ୍ମକର ଭାବ ଅନ୍ଧକାର ଯେବେ […]

Subscribe US Now