ମାଟି ମାଆ – ବେଣୁଧର ସୂତାର

Views: 23
0 0
Read Time:3 Minute, 36 Second

ସୁଧାମଧୁଝରା ଅମିୟ ପସରା
କମନୀୟ କମ୍ର କାନ୍ତି
ମାଦକତା ଭରା ତା ଫଗୁଣ ସଞ୍ଜ
ଚୋରା ଚଇତାଳି ରାତି
ମମତାର ମଧୁମତୀ
ଅନାବିଳ ତାର ପ୍ରୀତି
ଯା ପାଇଁ ଲେଖନୀ
ଚାରୁଚିତ୍ରେ ଲେଖେ
ଅର୍ପିତ ମନର ଗୀତି
ଅପାଶୋରା ଯାର ନାଆଁରେ
ସେଇମୋର ମାଟି ମାଆରେ
ମାଆ ତ ସେନେହମୟୀ
ସରଗ ଠୁ ସୁଖଦାୟୀ
ଭୁଲିନାହିଁ ନଭୁଲିବି
କେବେ ତା ର ନାଆଁରେ
ମୋର ଟିକି ଗାଆଁରେ ।
ଯା ଆଲୋକ ମଧୁଝରା
ସମୀରେ ସୁରଭି ଭରା
ଯା ବାରି ଅମୃତ ଧାରା
ଶରୀରେ ରୁଧିର ପରା
ଯା କୋଳ ସୁନେଲି ଖରା
ଜୋଛନା ଯା ମୋତି ହୀରା
ପରାଣ ଚଳାଏ ଯାର ବାଆ,ରେ
ମୋର ଟିକି ଗାଆଁରେ …..
ଯାର ଉଷା ବର୍ଣ୍ଣବିଭା
ସାଂୟକାଳ ମନଲୋଭା
ଫଗୁଣ ବଉଳ ଶୋଭା
ଚଇତି ଚାନ୍ଦିନୀ ଆଭା
ଯା ହୃଦ ସ୍ନେହ ସଞ୍ଚିତ
ମମତା ମଧୁ ପଣତ
ଦୂରୁ ହାତ ଠାରି ଡାକେ
ଆ,ରେ ତୁ ଆ,ରେ
ମୋର ଟିକି ଗାଆଁ ରେ……
ତା ମଞ୍ଜୁଳ ଶ୍ୟାମଭୂଇଁ
ବିଲ ବଣ ତୋଟା ଛୁଇଁ
ପାହାଡି ଝରଣା ନଈ
ଶ୍ୟାମ ତରୁ ଲତା ଛାଇ
ବିହଙ୍ଗମ ମଧୁ ସ୍ବନ
କୁସୁମିତ ଫୁଲବନ
ପୁଲକାଏ ତନୁମନ
ରୋମାଞ୍ଚିତ ଛୁଆଁ ରେ
ମୋର ଟିକି ଗାଆଁରେ……
ଜନମିଛି ତାର କୋଳେ
କେତେକୋଟି ପୁଣ୍ୟ ବଳେ
ମମତା ପଣତ ତଳେ
ଲୋଟିଛି ଆନନ୍ଦ ଭୋଳେ
ଜୀବନ କାହାଣୀ ଯେତେ
ସାଇତିଛି ତା ପଣତେ
ପରିଚୟ ଦେଇଅଛି
ଏ ଦୁନିଆ ଦୁଆରେ
ମୋର ମାଟି ମାଆ ରେ
ଭୁଲି ନାହିଁ ନଭୁଲିବି
କେବେ ତାର ନାଆଁରେ
ମୋର ଟିକି ଗାଆଁରେ…….

ବେଣୁଧର ସୂତାର
କେଶଦୁରାପାଳ
କେନ୍ଦୁଝର

Share this :
Next Post

ସବୁତକ ଦେଇଛ - ଡ.ପ୍ରିୟମ୍ବଦା ସାମଲ

ଦେଇଛ ନୟନ କରୁଛି ଦର୍ଶନ କାଳିଆ ବଦନ ନିତି କରୁଛି ଶ୍ରବଣ ଦେଇଅଛ କର୍ଣ୍ଣ ଅମ୍ରୁତ ସମାନ ଗୀତି। ଦେଇଛ ହସ୍ତ ପ୍ରଭୁ ପୂଜୁଛି ନିତ୍ଯ ସଜାଉଛି ଫୁଲ ମାଳେ ପଦ ଦେଇଅଛ ଯିବି ଶଙ୍ଖକ୍ଷେତ୍ର ଦର୍ଶନ କରିବି ଭୋଳେ। ମୁଖ ଦେଇଅଛ ଗାଉଛି ହେ ପ୍ରଭୁ ତୁମରି ସହସ୍ର ଭଜନ ନାସା ଦେଇଅଛ ଆଘ୍ରାଣ କରୁଛି ସଦା ତୁଳସୀ ଚନ୍ଦନ। ହ୍ରୁଦୟ ଦେଇଛ ସାଇତି ରଖିଛି ତୁମରି ମୁରତି […]

Subscribe US Now