କି ଲାଭ ପାଇଲି – ସହଦେବ ବେହେରା

Views: 27
0 0
Read Time:2 Minute, 6 Second

ଚାଉଳରେ ଗୋଡି ଅଟାରେ ଚ’ଖଡି
ଓଜନେ ମାପ ଠକେଇ
କି ଲାଭ ପାଇଲି ଠକେଇ ଅନ୍ୟକୁ
ପଡିଲି ନିଜେ ଧସେଇ ।।୧

ଭିକାରୀ କୁ ମୁଠେ ଦେଲିନି ଚାଉଳ
ଦରଜା ମିଛେ ଆଡେଇ
ବିଲେଇ କୁକୁର ମୁହେଁ ଦାନା ଗଣ୍ଡେ
ନ ଦେଇ ଦିଏ ଆଡେଇ ।।୨

ଅତିଥି ଆସିବା ଖବର ଶୁଣିଲେ
ବାହାନା ମନେ କରିଲି
ନିଜ ଜଞ୍ଜାଳରେ ବୁଡିରହି ମିଛେ
ଅତିଥି ସେବା ଭୂଲିଲି ।।୩

ପୁଅ ଝିଅ ସ୍ତିରୀ ନିଜର କରିଲି
ଧନ ଦଉଲତ ଦେଇ
ସବୁ ଥାଇ ନିଃସ୍ବ କରିଦେଲେ ମୋତେ
ନିଜ ବାଟ ବାଛି ନେଇ ।।୪

ଦିଅଁ ଦେବତା କୁ ହାତଯୋଡି ଥରେ
ଜୀବନେ ମାନିଲି ନାହିଁ
ଧରମ ବିଶ୍ବାସ କରିଦେଲି ତୁଛ
ଅଧର୍ମକୁ ଆପଣେଇଁ ।।୫

ବେଳ ବୁଡି ଆସି ଅନ୍ଧାର ହେଲାଣି
ଭାବିଲେ ଲାଭ କି ହେବ
କି ଲାଭ ପାଇଲି ହଜାଇ ସେ ଦିନ
ଆଉ କି ଫେରି ଆସିବ ।। ୬

ସହଦେବ ବେହେରା
ମଙ୍ଗରାଜପୁର, କେନ୍ଦୁଝର

Share this :
Next Post

ମୃତ୍ଯୁ ମହାତୀର୍ଥ(୬୭) - ରଞ୍ଜନ କୁମାର ମହାନ୍ତି

  ମୃତ୍ୟୁ ତୁମେ କେବେ ପରିଚିତ ଶବ୍ଦ ପ୍ରାରବ୍ଧର ଶୂନ୍ୟସ୍ଥାନେ ମରମକୁ ଭେଦ ଚରମ ଅସ୍ତ୍ରରେ ନିୟତିର ରଣାଙ୍ଗନେ ଅଜ୍ଞାତର ଅଭିଯାନେ ତୁମରି ଇଙ୍ଗିତେ ସଭିଏଁ ତ ଯାତ୍ରୀ ଅଦୃଷ୍ଟର ସମ୍ମୋହନେ ତୁମେ ପୁଣି କେବେ ସମାପିକା କ୍ରିୟା ସମ୍ପର୍କର ଇତିବାକ୍ୟେ ନୁହଁ ପୂର୍ଣ୍ଣଛେଦ ତୁମେ ତ ଆନନ୍ଦ ଜୀବନର ଉପଲକ୍ଷେ କେବେ ଦୁଃଖେ କେବେ ସୁଖେ ପାପର ହାଟରୁ କିଣିନିଅ ପୁଣ୍ୟ କର୍ମ ଯହିଁ ଭାଗ୍ୟ ବିକେ ନୁହଁ […]

Subscribe US Now