ଅନ୍ନଦାତାର ଡାକ – ଡଃ ପଦ୍ମଲୋଚନ ରାଉତ

Views: 8
0 0
Read Time:5 Minute, 1 Second

ଏ ଦେଶର ଆତ୍ମା କୃଷି – କୃଷକ
ଶାସକ ପାରେନି ହେଜି
କୁମ୍ଭୀର ଆଖିରେ ସବୁବେଳେ ଲୁହ
ଚାଲିଛି ଭାଷଣ ବାଜି
ହକ ମାଗୁଛି ଚାଷୀ
ଭାଗ୍ୟ ବିଧାତା ଏ ଦେଶ ଜନତା
ଲୁହ ଗଡା଼ଉଛି ବସି l 1

ଏ ଦେଶେ ଚାଲିଛି ଏକ ଛତ୍ରବାଦ
ଜନତା କାନ୍ଦୁଚି ନିତି
ହୁ’ ହୁ’ ହୋଇ ବଢେ ଦର ଦାମ
ହସୁ ଅଛି ପୁଞ୍ଜିପତି
ଦଲାଲର ଜହ୍ନରାତି
ଏକ ଛତ୍ରବାଦୀ ନିଶେ ହାତ ମାରି
କରୁଅଛି ରାଜନୀତି l 2

ଏ ଦେଶେ ଶାସକ ବଡ଼ ଅହଙ୍କାରୀ
ଧରାକୁ ମଣୁଛି ସରା
ବଡ଼ ଆତ୍ମଗର୍ବୀ ନୃଶଂସ ବେପାରୀ
ଜାଣେ କି ଶାସନ ଧାରା ?
ଧର୍ମର ଦ୍ୱାହି ଦେଇ
ଲମ୍ବା ଚଉଡା ଭାଷଣ ଦିଏ ସେ
ଭୋଟ ପାଇବା ପାଇଁ l 3

ଭୋଟ ବେପାରୀ ଦେଶର ବଇରୀ
ନାହିଁ ତାର ଦେଶ ପ୍ରୀତି
ଦେଶ ପ୍ରେମର ପାଠ ପଢାଉଛି
କରି ହୀନ ରାଜନୀତି
ଜନ- ଗଣ ଜାଗି ଉଠ
ଭୋଟ ବେପାରୀ ସଇତାନ ସାଜି
କରୁଅଛି ବେଦ ପାଠ l 4

ଜାତି -ବର୍ଣ୍ଣ -ଧର୍ମ ସଭିଏଁ ସମାନ
ଭଗବାନ ବୁଦ୍ଧ ବାଣୀ
ସତ୍ୟ -ଅହିଂସା ପଥରେ ବାପୁଜୀ
ସ୍ୱାଧୀନତା ଦେଲେ ଆଣି
ପଥ ଭ୍ରଷ୍ଟ ସ୍ୱାଧୀନତା
ରାଜ ରାସ୍ତାରେ ଧାରଣାରେ ଚାଷୀ
ହସୁଛି ଶାସକ ନେତା l 5

ହିଂସାର ରଥି ଅଧର୍ମରେ ମାତି
ଧରିଛି ଶାସନ ଡୋର
ଭାଗ୍ୟ -ବିଧାତା ଚାଷୀ କୁଳ ଏଠି
ଗଡାଉଛି ଲୁହ ଧାର
ଦୁରାଚାରି ଦୁଃଶାସନ
ଯାଜ୍ଞସେନୀର କରୁଣ ଲୁହରେ
ପାଇ ନାହିଁ ପରିତ୍ରାଣ l 6

ଅନ୍ନଦାତାର ଡାକ ଶୁଣି ବାରେ
ଜାଗି ଉଠ ଦେଶ ବାସୀ
ରାଷ୍ଟ୍ର ଦ୍ରୋହିର ମିଥ୍ୟା ଭାଷଣେ
ହୁଅ ନାହିଁ କେବେ ଖୁସି
କ୍ଷମତାର କରାମତି
ଭୋକ ଉପାସରେ କାନ୍ଦେ ଅନ୍ନଦାତା
ହସେ ଏଠି ଶିଳ୍ପପତି l 7

ଅପାରଗ ଆଜି ଦେଶର ଶାସକ
ମୁହେଁ ନାଇଁ ତାର ଲାଜ
ବେଶ୍ୟା ବୁଲାଉଛି ମହାସତୀ ଏଠି
ଜନ ରାଜ୍ୟେ କରି ରାଜ
ମିଥ୍ୟା ବାଦୀ ବେଈମାନ
ନ ହଟିଲେ ଦେଶୁ ଚାଷୀ ପାଇବନି
ଅନ୍ନଦାତା ସନମାନ l 8

ଡଃ ପଦ୍ମଲୋଚନ ରାଉତ
ଗବେଷକ, ଇଂରାଜୀ ସାହିତ୍ୟ,
କଳିଙ୍ଗ ବିଶ୍ୱବିଦ୍ୟାଳୟ, ରାଇପୁର
ଇଂରାଜୀ ଅଧ୍ୟାପକ,
ଗୋପବନ୍ଧୁ ଡିଗ୍ରୀ କଲେଜ, କାଲିମେଳା,
ମାଲକାନଗିରି, l

Share this :
Next Post

I am nature - Rabindra kumar Sahoo

I’m mysterious I’m old and creator of all creatures I am Nature. I’m the teacher of all teachers I’m the Inventor I’m the Discoverer Human being thinks himself he is the soul author of this Nature but he doesn’t know me and he wants to be the Creator of the […]

Subscribe US Now