ସଉତୁଣୀ – ସୌଭାଗ୍ୟ ବାରିକ

Views: 34
0 0
Read Time:1 Minute, 28 Second

ଚାହା କୁ କରିଛି ଘରଣୀ ମୋହର

କଫିମୋ ପ୍ରେମିକା ପ୍ରାଏ l

ତେଣୁ ମୋ ସନ୍ଦେହୀ ପ୍ରାଣପ୍ରିୟା ଚାହା
ହୁତାଶାନେ ଜଳି ଯାଏ ll

ଜୀବନଟା ମୋର ଚାହାପତି ମୟ
ସ୍ୱପ୍ନ ରେ ଆସଇ କଫି l
ଏକ କପ୍ କଫି ସ୍ୱପ୍ନେମୁଁ ତେଣ୍ଡିଲେ
ସୁପ୍ରଭାତ ହେବା କାଫି ll

ମନେମନେ କେତେ ଭଲପାଏ ତାକୁ
କୁହେନାଇଁ ଜାଣିଜାଣି l
କହିଲେ ଘରେ ମୋ ତାଣ୍ଡବ ଯେ ହେବ
ଚାହା କଫି ସଉତୁଣୀ ll

ଚାହାକୁ କରିଛି ଘରମଣୀ ମୋର
କଫି ମୋର କଳାଧନ l
ଝଗଡା ଲାଗିଲେ ସଉତୁଣୀ ଦୁହେଁ
ଭାଙ୍ଗି ଯିବ ମୋର ମନ ll

ସୌଭାଗ୍ୟ ବାରିକ
କଟକ
୭୫୦୪୦୩୦୮୨୨

Share this :
Next Post

ପ୍ରେରଣା ରାତ୍ରି ର.... - ମୃତ୍ୟୁଞ୍ଜୟ ଦାସ

କୋଟିଏ ତାରା ମଧ୍ୟରେ ଗୋଟିଏ ଚାନ୍ଦ ସତେ ଯେମିତି ଷ୍ଟ୍ରିଟ ଲାଇଟ ଧରା ମାଳା ମଝିରେ ଚାରିଛକ ରେ ଟଙ୍ଗା ଯାଇଥିବା ଉଚ୍ଚ ଆକାଶୀ ସେଇ ହେଲୋଜିନ ମାଳl ବସନ୍ତ ରାତ୍ରି ଆଗମନୀ ସୁରଭି ଗୋ ବିକଶିତ ଯୁଗରେ ଯେମିତି ମୋ ଥୁଣ୍ଟା ଲେଖନୀର କବିତା ମାଳା.. ଆଃ କି ଆନନ୍ଦ ସତେ ପ୍ରେମିକା ନାହିଁ ଆଉ ପ୍ରେମିକର ୟେ ତୃଷନିତ ବିଳାପ?? ବଉଳ ପେନ୍ଥି ଗୋଡି ଆମ୍ବ ହେଉଛି.. […]

Subscribe US Now