ଈଶ୍ୱର ଏକ ଅନୁସନ୍ଧାନ – ନବ କୁମାର ଦାସ

Views: 56
0 0
Read Time:2 Minute, 4 Second

ଏଇ ପରିକଳ୍ପନାର ପୃଥିବୀରେ
ପୂର୍ଣ୍ଣତା ,ଅପୂର୍ଣ୍ଣତା ଭିତରେ ଲୁଚିଥାଏ
ଅନୁସନ୍ଧାନୀ ପ୍ରକ୍ରିୟା ଟିଏ
ଯେଉଁଠି ସଂଘର୍ଷ ଭିତରେ ସତ୍ୟ
ସମାଧାନର ସଂକଳ୍ପରେ
ଯୁଗଜନ୍ମା ନୂଆ ଏକ ପରିଚୟରେ
ସେ ବଡ଼ ,ସାନ ,ବନ୍ଧୁ ଯିଏବି ହୁଅନ୍ତୁ ll

ମୁଁ ତ ସେଇଠି
ଈଶ୍ୱର ମାନଙ୍କୁ ଖୋଜେ
ଯେଉଁମାନଙ୍କ ଦର୍ଶନରେ
ଯୁଗଳ ନୟନରୁ
ଆନନ୍ଦାଶ୍ରୁ ଝରି ପଡେ
ମୁଣ୍ଡ ଆପେ ଆପେ ନଇଁଯାଏ
ତାଙ୍କ ଚରଣ କମଳକୁ
ମଧୁର ବଚନର ମରମକୁ ନେଇ
ପ୍ରତି ଟି ପ୍ରାଣ ବାଃ ବାଃ କରେ
ହଁ ମୁଁ ସେଇଠି
ଅନୁସନ୍ଧାନ କରେ ଈଶ୍ୱରଙ୍କୁ ll

ନଚେତ ଏଇ ,
ପଥରର ମୂର୍ତ୍ତି ସବୁ ତ
ଗୋଟିଏ ଭାବନା ମନ୍ଦିର ପର୍ଯ୍ୟନ୍ତ
ହୃଦୟ ଭିତରେ ତ ସେ ଈଶ୍ୱର ହୁଏ
ଯିଏ ମୋର ,ଆମର ସମସ୍ତଙ୍କ ଭିତରେ
ଏକ ଅଦୃଶ୍ୟ ଶକ୍ତି ପରି …..ll

ନବ କୁମାର ଦାସ
ସୁରଡ଼ିହା ,ବାଲିଆପାଳ ,ବାଲେଶ୍ୱର
ଶିକ୍ଷକ

Share this :
Next Post

ଆସିଥିଲା ଫଗୁଣ - କାହ୍ନୁ ଚରଣ ସାହୁ

ମୁଁ ହିଁ ଜାଣେ ମୋ ପ୍ରେମର ଗଭୀରତା କେତେ ପାରିବନି କହି ତମେ ! ଯଦି ବୁଝିଥାନ୍ତ ସେମିତି ସରି ମରି ମୋ ସହ ଖରା, ବର୍ଷା, ଶୀତରେ ଆଲୋକେ ଅବା ଅନ୍ଧାରେ ଥାଅନ୍ତ ସାଥିରେ ! ଋତୁଚକ୍ରେ ଫଗୁଣ ଆସେ ଆସିଥିଲା ମୋ ହୃଦ ଉପବନେ ଠିକ ଯେମିତି ଚାଲିଯାଏ ଚାଲିଗଲା କିଛି ଚିହ୍ନ ଆଙ୍କିଦେଇ ମନେ !! କାହ୍ନୁ ଚରଣ ସାହୁ ପଣ୍ଡକାମାଳ, ମ.ରାମପୁର, କଳାହାଣ୍ଡି

Subscribe US Now