କେମିତି କହିବି…. – ଭଜରାମ ସେଠୀ

Views: 56
0 0
Read Time:2 Minute, 53 Second

କେମିତି କହିବି ଉତ୍କଳ ସନ୍ତାନ

ଯେଉଁଠି ନାରୀଟେ ନିଇତି ବଳାତ୍କାର ପାଉଛି !

କେମିତି କହିବି ଉତ୍କଳ ସଜନ

ଯେଉଁଠି ନ୍ଯାୟ ନ ପାଇ ନିର୍ଦୋଷୀଟେ ଆତ୍ମହତ୍ଯା କରୁଛି !

କେମିତି କହିବି ଉତ୍କଳ ଶିକ୍ଷକ

ଯେଉଁଠି ଭାଷାର ମହତ ଦିନକୁ ଦିନ ହ୍ରାସ ହେଉଛି !

କେମିତି କହିବି ଉତ୍କଳ ଓକିଲ୍

ଯେଉଁଠି ନ୍ୟାୟ ନିଷ୍ପତ୍ତି ଟଙ୍କାରେ ବନ୍ଧା ହୋଇଛି !

କେମିତି କହିବି ଉତ୍କଳ ଡକ୍ଟର

ଯେଉଁଠି ଗରିବ ଜନଟେ ରୋଗରେ ସଢ଼ୀ ମରୁଛି !

କେମିତି କହିବି ଉତ୍କଳ ପୁଅ ମୁଁ

ଯେଉଁଠି ବୃଦ୍ଧ ବୃଦ୍ଧାଶ୍ରମେ ନିଇତି ବୃଦ୍ଧି ହେଉଛି !

କେମିତି କହିବି ରାଜନୀତି କରୁଛି

ଯେଉଁଠି ରାଜନେତାଟେ ସର୍ବସ୍ବ ଲୁଟି ଖାଉଛି !

କେମିତି କହିବି ଭଲ ଭାଇଟେ

ଯେଉଁଠି ଭଉଣୀ ସୁରକ୍ଷିତ ନ ପାଉଛି !

କେମିତି ଦେବି ଉତ୍କଳ ପରିଚୟ

ଯେଉଁଠି ସୀମା ଅନ୍ଯଜଣେ ଦଖଲ କରୁଛି !

କେମିତି କହିବି ଭଲ ଲେଖକଟେ

ଯେଉଁଠି ବିରୋଧ ସ୍ବର ଆନ୍ଦୋଳନ ନହେଉଛି !

କେମିତି କହିବି ମୁଁ ସମ୍ପାଦକଟେ

ଯେଉଁଠି ବନାନ ଅଶୁଦ୍ଧି ନିଇତି ମିଳୁଛି !

କେମିତି କହିବି ମୁଁ ଭଜରାମ

ଯେଉଁଠି ରାମ ଶବ୍ଦର ଅର୍ଥ ନ ଜାଣିପାରୁଛି !

ଭଜରାମ ସେଠୀ

ନିରାଳ,ଗଞ୍ଜାମ

Share this :
Next Post

ଏଠି କ'ଣ ଚାଲିଛି......? - ତ୍ରିନାଥ ବେହେରା

ମାଙ୍କଡ ହାତରେ ଶାଳଗ୍ରାମ ଏଠି ଅନ୍ଧ ଦେଶେ ବିକ୍ରି ହୁଏ ଦର୍ପଣ ବିରାଡି କପାଳେ ଶିକା ଛିଣ୍ଡେ ନିତି ତେଲିଆ ମୁଣ୍ଡରେ ତେଲ ହିଁ ଜାଣ ନୀରବରେ ସହି କଲେ ହଜମ ସ୍ବାର୍ଥୀ ଦୁନିଆରେ ପ୍ରିୟପାତ୍ର ତୁମ୍ଭେ ବଦହଜମେ ଅରଣ୍ୟେ ରୋଦନ… ବିରାଡି ବୈଷ୍ଣବେ ଯେ ମାଡି ବସିବେ ଅଣ୍ଟି ଛୁରୀ ତଣ୍ଟି କାଟେ ଯେସନ ାା ଏ ଘର ମାଉସୀ ସେ ଘର ପିଉସୀ କୁଜି ନେତା ଟାଉଟର […]

Subscribe US Now