ତମେ ଏମିତିଆ ଏକ ଠାକୁର – ପୁଷ୍ପାଞ୍ଜଳି ପଣ୍ଡା

Views: 56
0 0
Read Time:2 Minute, 59 Second

ତୁମେ ଏମିତିଆ ଏକ ଠାକୁରଯାହାପାଇଁ ସବୁ ମାନବ ଦାନବ
ଜାଳିଥାନ୍ତି ଆଜି ଜାଗର।1।
ତୁମେ ଏମିତିଆ ଏକ ଠାକୁର
ପୃଥିବୀ କୁ ଧ୍ୱଂସ ହେବାକୁ ନଦେଇ
ଗିଳିଦେଲ ସବୁ ଜହର।2।
ତୁମେ ଏମିତିଆ ଏକ ଠାକୁର
ତପସ୍ୱୀ ହୋଇ ବି ସତୀ ମାତା ସଙ୍ଗେ
କରିଲ ଆଜି ବିଭାଘର।3।
ତୁମେ ଏମିତିଆ ଏକ ଠାକୁର
ଆଦି କିବା ଅନ୍ତଦେଖିପାରିଲେନି
ବ୍ରହ୍ମା ଆଉ ବିଷ୍ଣୁ ସାହସର।4।
ତୁମେ ଏମିତିଆ ଏକ ଠାକୁର
ଗଙ୍ଗା ମାତାଙ୍କୁ ଯେ ଜଟାରେ ଧରିଛ
ଚନ୍ଦ୍ର ପାଇଁ ଚନ୍ଦ୍ର ଶେଖର।5।
ତୁମେ ଏମିତିଆ ଏକ ଠାକୁର
ଭୋଳାମହେଶ ହେ ଅବୁଝା ଏ ବେଶ
ସାଜୁଛ ଅର୍ଦ୍ଧନାରିଶ୍ୱର ।6।
ତୁମେ ଏମିତିଆ ଏକ ଠାକୁର
ଶ୍ମଶାନ ରେ ଘର ସର୍ପ ଗଳାହାର
ଭସ୍ମ ବିଭୁଷିତ ଶରୀର।7।
ତୁମେ ଏମିତିଆ ଏକ ଠାକୁର
ଶ୍ରାପିତ କେତକୀ ଫୁଲର ଆଜିରେ
ତୁମପାଇଁ କେତେ ଆଦର।8।
ତୁମେ ଏମିତିଆ ଏକ ଠାକୁର
ନାହିଁ ମୋ ଭକତି କରୁଛି ପ୍ରଣତି
ଘେନାକର ଶିବ ଶଙ୍କର।9।

ଜାଗର ଜାଳିବି ଉଜାଗର ରହି

ଆଶିଷ ପାଇବା ପାଇଁ

ତମେ ଏମିତିଆ ଏକ ଠାକୁର କହିଲି

ଦୋଷ ମୋ ଧରିବ ନାହିଁ।10।

ପୁଷ୍ପାଞ୍ଜଳି ପଣ୍ଡା

ଷ୍ଟାଟିଷ୍ଟିକାଲ୍ ଅଫିସର

ଯାଜପୁର

Share this :
Next Post

ଦେଖା ହେବ ଆର ଜନମରେ - ସୁରେଶ ଚନ୍ଦ୍ର ମହାନ୍ତ

ସାଗରର ଫରୁଆରେ ଅସୀମ ବ୍ୟାପ୍ତିରେ ଆକାଶର ଫଗୁଣର ଏକ ଦୃଶ୍ୟ ମହାବାତ୍ୟା ଦର୍ପଣରେ ଦେଖି ତମକୁ ଭଲ ପାଇ ଥିଲି ! ହେଲେ ଲୁଚାଇଲେ ତମକୁ ସେମାନେ ମୋତେ କରି ନିଃସ୍ୱ ଦିଗହରା ବିଦୀର୍ଣ୍ଣ ଉଷା ବଗିଚାରେ ଧରୁ ଥିଲି ଫୁଲ କିଛି ଜମା ହେଉ ନ ଥିଲା ସୁବାସିତ ତମ ବିନା ! ଜ୍ୟୋସ୍ନାର ହସ ଦେଖି ଦିନେ ସପନ ଦେଖିଲି ତମେ ଚନ୍ଦ୍ରଶେଖରପୁରେ ଶୁଭ ମାନସୀ ମୋ […]

Subscribe US Now