ବଡଦାଣ୍ଡ – ବନ୍ଦନା ମହାପାତ୍ର

Views: 24
2 0
Read Time:2 Minute, 37 Second

 

ଦାଣ୍ଡ ତ ଦାଣ୍ଡ ରେ କେତେ କେତେ ଦାଣ୍ଡ
ଗୋଟିଏ ରେ ବଡ଼ଦାଣ୍ଡ,
ଜନମରୁ ଜୁଇ ଶାନ୍ତି ମୁକତିର
ପଥ ସେହି ବଡ଼ ଦାଣ୍ଡ @||
ଜୀବନ ଯନ୍ତ୍ରଣା ମହାଦୀପ କୁ ତୁ
ଫୋପାଡ଼ି ଦିଅ ରେ ପିଣ୍ଡ,
ପ୍ରତୀକ୍ଷା କରିଛି ତୁରୀୟ ତୃଷ୍ଣା ର
ପଦ ଯାତ୍ରା ବଡ଼ ଦାଣ୍ଡ ||
ପାଦ ଦେଉ ଦେଉ ପବିତ୍ର ହୋଉବ
ତୋ ଦେହରୁ ପାପ କୁଣ୍ଡ,
ମନ୍ଦିର ଡାକେ ନୀଳଚକ୍ର ଡାକେ ଆ
ବଡ଼ ଶଙ୍ଖ ବଡ଼ ଦାଣ୍ଡ @||
ରୋଗୀ, ଭୋଗୀ, ଯୋଗୀ ଶୋକର୍ତ୍ତ, ଦୁଃଖର୍ତ୍ତ
ଧନୀ ବିଳାସୀ ସଭିଏଁ
ଅସ୍ତିତ୍ୱ ହରାନ୍ତି ନିଜକୁ ଭୁଲନ୍ତି
ବଡ଼ଦାଣ୍ଡ ମାଟି ଛୁଁଏ ||
ବଡ଼ଦାଣ୍ଡ ମାଟି ଶ୍ରେଷମଗ୍ନ ମାଟି
ବାଲି ଏଠି କଇବଲ
ଶଙ୍କର, ଚୈତନ୍ୟ ସିଦ୍ଧ ପୁରୁଷ ଙ୍କ
ଦେବତା ବିହାର ସ୍ଥଳ ||
ବଡ଼ଦାଣ୍ଡ ଦେଇ ଆସଇ କାଳିଆ
ଭାଇ ଭଉଣୀ ସାଙ୍ଗରେ
ଜୟ ଜଗନ୍ନାଥ ହରିବୋଲ ଧ୍ଵନି
ଉଛୁଲେ ଭକ୍ତ ତାନରେ ||
ଜନ୍ମ ଜନ୍ମାନ୍ତର ଚେତନାର ପଥ
ରୂପକଳ୍ପ ବଡ଼ଦାଣ୍ଡ
କଳ୍ପରୁ କୈବଲ୍ୟ ଏକ ସ୍ଥୁଳ ସ୍ତୁପ
ମୁକ୍ତିପଥ ବଡ଼ଦାଣ୍ଡ ||

ବନ୍ଦନା ମହାପାତ୍ର

Share this :
Next Post

ମିନତି ଘେନ(୧୭୪) - ରଞ୍ଜନ କୁମାର ପଣ୍ଡା

  ଶେଷ ଇଛା ମୋର ପୂର୍ଣ୍ଣକର ପ୍ରଭୂ ମାଗୁଣି ମୋ ବାର ବାର ତୁମରି ଦୁଆରୁ ଉଠିବ ମୋ ଶବ ସିଧା ଯିବ ସ୍ୱର୍ଗ ଦ୍ୱାର । ବଡ଼ଦାଣ୍ଡ ମୋର ହେବ ଶେଷ ଖେଳ ଜୀବନର ଶେଷ ଯୁଦ୍ଧେ ସ୍ୱର୍ଗଦ୍ୱାରେ ଜୁଇ ଜଳିବ ମୋହର ଆତ୍ମା ପରମାତ୍ମା ମଧ୍ୟେ । ଶେଷ ସନ୍ତକ ମୋ ତୁମ ସିଂହଦ୍ୱାର ଜୀବନର ଶେଷ ପୁଣ୍ୟ ସେହି ଠାରୁ ଶବ ଉଠିଲେ ମୋହର ଜନମ […]

Subscribe US Now