କଳି ଯୁଗ – ବାସନ୍ତି ଲତା ଜେନା

Views: 24
0 0
Read Time:3 Minute, 50 Second

କଳି ଯୁଗ ପରା କଳିର ପ୍ରଭାବ
ସମସ୍ତେ ତାର ଅଧୀନ
ପର ଆପଣାର ଭେଦ ଭାବ ହୁଏ
ସ୍ୱାର୍ଥ ହୁଏ ବଳିୟାନ .l୧l

ସୁନା ଦାରୁ ନାରୀ ମିଥ୍ୟା ପ୍ରବଞ୍ଚନା
କଳି ପ୍ରଭାବ ପକାଏ
ନିଜ ଲୋକ ମଧ୍ୟେ ପ୍ରଭେଦ ହୁଅଇ
ଅଶାନ୍ତିରେ ଦିନ ଯାଏ l୨l

ଲୋଭ ମୋହ ମାୟା କବଳିତ କରେ
ମନୁଷ୍ୟର ତନୁ ମନ
ମାଳିକାରେ ପରା ଲିଖିତ ହୋଇଛି
ନର ହୁଅ ସାବଧାନ l୩l

ପିତା ମାତା ଭାଇ ପର ହୋଇ ଯାନ୍ତି
ଅହଂଙ୍କାର ସ୍ୱାର୍ଥ ପାଇଁ
ଅନ୍ୟାୟ ଅନୀତି ରାଜୁତି କରୁଛି
ସତ୍ୟ ଲୁଚି ଯାଉ ଥାଇ l୪l

ପଶୁ ପକ୍ଷୀ ହତ୍ୟା କରୁଛି ମାନବ
ନିଜର ସଉକ ପାଇଁ
ପ୍ରକୃତିକୁ ନଷ୍ଟ କରୁଅଛି ସେତ
ଆଗ ପଛ ଭାବୁ ନାହିଁ l୫l

କୁକୁର ପାଳନ୍ତି ନିଜ ଛୁଆଁ ପରି
ଆଦର ଯତନ କରି
ଦୁଃଖି ରଙ୍କି ମୁଖେ ଆହାର ନ ଦ୍ୟନ୍ତି
ଦୂରୁ ଦୂରୁ କରୁ ଥାନ୍ତି l୬l

ଗୋମାତା ବ୍ରାହ୍ମଣ ସେବା ନ କରନ୍ତି
ସାଧୁ ସନ୍ଥ ମାନ୍ୟ ନାହିଁ
ସଂସ୍କାର ସଂସ୍କୃତି ସବୁ ଭୂଳି ଯାନ୍ତି
କଳିର ପ୍ରଭାବ ପାଇଁ। l୭l

ପୁରୁଷଙ୍କ ପରି ଝିଅ ବେଶ ହୁ’ନ୍ତି
ଜିନ୍ସ ଟପ ପିନ୍ଧି ଥାନ୍ତି
ଛିଣ୍ଡା ପ୍ୟାଣ୍ଟ ସାର୍ଟ ଫେସନ୍ ହୋଇଛି
କହିଲେ ଷ୍ଟାଇଲ କୁହନ୍ତି l୮l

ଲୋଭ ମୋହ କିଛି ଛାଡି ଦିଅ ମତି
ବିଶ୍ୱାସ ଭରସା ରଖ
ସତ୍ୟ ଧର୍ମ ପଥ ଭକ୍ତି ଜ୍ଞାନ ଯୋଗ
ନିର୍ବାଣର ସ୍ୱାଦ ଚାଖ l୯l

ଏ ଭବ ସାଗରୁ ଉଦ୍ଧରିବା ପାଇଁ
ନାମ ହରି ସଂକୀର୍ତ୍ତନ
ରାମ ନାମ ସତ୍ୟ ମୁକତିର ପଥ
ଭଜୁ ଥା’ରେ ବାଇ ମନ ll

ବାସନ୍ତି ଲତା ଜେନା
ଗାନ୍ଧୀନଗର
ନବରଙ୍ଗପୁର

Share this :
Next Post

ଅନେକ ଦିନ ବିତି ଯିବା ପରେ - ଡି. ଉତ୍ତମ କୁମାର ଦୋରା

ଅନେକ ଦିନ ବିତି ଯିବା ପରେ ପୁଣି ଜହ୍ନ ଆଉ ମୁ ଏକାଠି ହୋଇଛୁ ଗୋଟିଏ ଆକାଶ ତଳେ ହେଲେ ଆଜି ତା ଜୋଛନା ସ୍ପର୍ଶରେ ସେ ଶୀତଳତା ନାହିଁ ଆଲୋକ ସାଥେ ସତେ ମିଶି ଯାଇଛି ବେଦନାର ଜ୍ୱାଳା || ମର୍ମାହତ ପ୍ରାୟ ପ୍ରତିଟି ମୁହୂର୍ତ ସତେକି ଏ ରାତି ତାତ୍ସଲ୍ୟ କରୁଛି ଅତି ନୀରବରେ ପାର୍ଶ୍ୱ ପ୍ରତିକ୍ରିୟା ସହ ଯନ୍ତ୍ରଣା ଢାଳୁଛି ବିଛୁରିତ ହୋଇ ମୋ ରାତି […]

Subscribe US Now