ବାହୁଡା ଯାତ – ପୁଷ୍ପଲତା ସାହୁ

Views: 28
0 0
Read Time:2 Minute, 8 Second

ଜନମ ବେଦୀରୁ କରମ ବେଦୀ କୁ
ବାହୁଡ଼ିବ ଆହେ ଜଗା ବଳିଆ
ମାଆ ମାଉସୀଙ୍କସେନେହ ଆଦର
ପାରିବନି ଭୁଲି ନୀଳାଚଳିଆ ||

ତିନି ରଥେ ବସି ତିନି ଠାକୁର ହେ
ବାହୁଡ଼ିବେ ସିଂହ ଦ୍ୱାର
ରଥ ଗଡୁ ଥିବ ଚକ ଗଡୁ ଥିବ
ମନ ହେଉଛି ଅସ୍ଥିର ||

ମାଉସୀ ମାଆ ର ପୋଡ଼ ପିଠା ଖାଇ
ରଖିବ ତାଙ୍କରି ମନ
ରାଜା ନଅରରେ ମାଆ ଲକ୍ଷ୍ମୀ ସଙ୍ଗେ
ତୁଟି ଯିବ ଅଭିମାନ ||

ରାଗ ରୋଷ ସବୁ ଭୁଲିଯାଇ ମାଆ
କରିଦେବେ ଦୋଷ କ୍ଷମା
ମାନବିୟ ଲୀଳା ଦେବ ଦେବୀଙ୍କର
ଭକ୍ତ ହେବେ ଆନମନା ||

ଭକତ ବତ୍ସଳ ହେ କଳା ଠାକୁର
ଦେଖି ତୁମ ଦିବ୍ୟ ରୂପ
ଭକ୍ତ ମନ ମୋହେ ପାପ ଧୋଇ ଯାଏ
ତୁମେ ତ ରୂପେ ଅରୂପ ||

ଶଙ୍ଖ ଚକ୍ର ଧାରୀ ସର୍ବ ପାପ ହାରି
ହରି ଦିଅ ମନୁ କ୍ଳେଶ
ତୁମରି ପାଦରେ ଆଶରା ଦିଅରେ
ଜୟ ଦେବ ଜଗଦୀଶ ||

ପୁଷ୍ପଲତା ସାହୁ
ଶିକ୍ଷୟିତ୍ରୀ
ଜଗତସିଂହପୁର

Share this :
Next Post

କି ଶୋଭା ଦିଶଇ କାଳିଆ ସୁନା - ପ୍ରତାପ କିଶୋର ରାଉତ

ସଖୀ ଦେଖ ଲୋ କି ଶୋଭା ଦିଶୁଛି କାଳିଆ ସୁନା ମହଣ ମହଣ ସୁନା        ରେ ଶୋଭିତ ଆଖି ଯାଏ ଲାଖି ତାଠାରେ ସିନା । ସଖୀ ଦେଖଲୋ——–।0। କୋଟି କୋଟି ପ୍ରଜା    ପାଳୁଅଛି ସେତ ଜଗତ ରେ ତାର ତୁଳନା ନାହିଁ ତା କୋଠ ଭଣ୍ଡାର      ସାରା ବିଶ୍ୱ କୁ ତ ଦାନା କନା ଦେଉଅଛି ଯୋଗାଇ କିଅବା ଅଭାବ        ରାଜା ପୁଅ ସେତ ତା ସାଥେ କେହି […]

Subscribe US Now