ଚକୋରି – ବିମଲ ସାସ୍ମଲ

Views: 28
0 0
Read Time:2 Minute, 1 Second

ଭଲ ଲାଗେ ଆଜି ତାରା ଭରା ରାତି
ଖୋଲା ଆକାଶ ଛାତିରେ |
ମଳୟ ପବନ ବଦନ କୁ ଛୁଏଁ
ଜହ୍ନ ରହିଛି ସାଥିରେ ||

ଜହ୍ନ ର ଆଲୋକ ଶୀତଳ ଜୋଛନା
ଚକୋରୀ କୁ ଖୋଜୁଥାଏ |
କୁହୁକୁହୁ ଡାକେ ନିଶାଚର ପ୍ରାଣୀ
ଶିହରଣ ମନେ ଥାଏ ||

ଦୂର ଆକାଶ ର ମଉଡମଣୀ ସେ
ସଭିଏଁ କୁହନ୍ତି ଜହ୍ନ |
କଅଁଳ ନୂତନ ଡେଣା ଚକୋରି ର
ପାଖକୁ ଯିବାକୁ ମନ ||

ପ୍ରେମ ଅଛି ବୋଲି ଚକୋରି କହେନି
କହେନାହିଁ କେବେ ଜହ୍ନ |
କହିନପାରିକି ପ୍ରେମ ଅଛି ବୋଲି
ନୀରବେ ବାହୁନେ ମନ ||

ଜହ୍ନ କି ଜାଣିଛି କିଛି କ୍ଷଣ ପରେ
ଆକାଶ ରୁ ଲିଭିଯିବ |
ପୁନେଇଁ ହେଉ କି ହେଉ ବା ଉଆଁସ
ଚକୋରି ତ ଖୋଜୁଥିବ ||

ଚକୋରି କହୁଛି ଜହ୍ନ ର ଜୋଛନା
ଆତ୍ମା କୁ ଛୁଇଁଲେ ହେଲା |
ସେଥିପାଇଁ ବୋଧେ ପବିତ୍ର ଏ ପ୍ରେମ
ଗଢିଛି ଉପରବାଲା ||

ବିମଲ ସାସ୍ମଲ
ଭୁବନେଶ୍ୱର

Share this :
Next Post

ଶୁଭ ଦୀପାବଳୀ - ସୁକାନ୍ତ ଖଣ୍ଡା

ଆସୁଅଛି ଦୀପାବଳୀ ପୂଜିବାରେ ମାଆ କାଳୀ ରଖିଯିବା ପରମ୍ପରା ପ୍ରତି ବର୍ଷର ଦେବେ ସିଏ ଆଶୀର୍ବାଦ ଦୂରେଇବେ ଆମ ଖେଦ ତାଙ୍କୁ ସବୁ ସୁମରଣ ଥରୁଟେ କର ଭକତିରେ ନେବେଦ୍ଯ ଦେଇ ଦୁଃଖଶୋକ ହୃଦୟରୁ ଦେବା ଦୂରେଇ।୧ ଜଗତକୁ ଶାନ୍ତି ପାଇଁ ଆସିଛନ୍ତି ସେ ଓହ୍ଲାଇ ହାତରେ ଶୋଭା ପାଉଛି ଖଡ୍ଗ ଖର୍ପର ସଂସାରରୁ ପାପି ଯେତେ ଲୋପ କରିବାକୁ ହାତେ ପଡୁଅଛି ଥପଥପ ନିର୍ଝର ପରି ଥରେ ତାଙ୍କୁ […]

Subscribe US Now