ଶୁଭ ଦୀପାବଳୀ – ସୁକାନ୍ତ ଖଣ୍ଡା

Views: 35
0 0
Read Time:3 Minute, 23 Second

ଆସୁଅଛି ଦୀପାବଳୀ ପୂଜିବାରେ ମାଆ କାଳୀ
ରଖିଯିବା ପରମ୍ପରା ପ୍ରତି ବର୍ଷର
ଦେବେ ସିଏ ଆଶୀର୍ବାଦ ଦୂରେଇବେ ଆମ ଖେଦ
ତାଙ୍କୁ ସବୁ ସୁମରଣ ଥରୁଟେ କର
ଭକତିରେ ନେବେଦ୍ଯ ଦେଇ
ଦୁଃଖଶୋକ ହୃଦୟରୁ ଦେବା ଦୂରେଇ।୧
ଜଗତକୁ ଶାନ୍ତି ପାଇଁ ଆସିଛନ୍ତି ସେ ଓହ୍ଲାଇ
ହାତରେ ଶୋଭା ପାଉଛି ଖଡ୍ଗ ଖର୍ପର
ସଂସାରରୁ ପାପି ଯେତେ ଲୋପ କରିବାକୁ ହାତେ
ପଡୁଅଛି ଥପଥପ ନିର୍ଝର ପରି
ଥରେ ତାଙ୍କୁ ଶାନ୍ତ କରିବା
ଆରାଧନା ପୂଜାପାଠେ ସମର୍ପି ଯିବା।୨
କାଳୀରୂପେ ଅବତରୀ ସାଙ୍ଗରେ ତା’ ସହଚରୀ
ପାପୀଙ୍କୁ ସେ ଧ୍ବଂସ କରି ସାଧୁ ପାଳିବେ
ଘରଘର ବୁଲିବୁଲି ଖାଉଛନ୍ତି ପୁଣ୍ଟିଚିରି
ବେକରୁ ସେ ଛିଣୁଛନ୍ତି ରକ୍ତ ପିଇବେ
ମାଆ ହୋଇ ରାଗିଛି ଯେବେ
ଶାନ୍ତନା କରିବା ଆମେ ସବୁ ଏ ଭବେ।୩
ଭୁଲିଯିବା ଦୁଃଖ ଶୋକ ଲୟରେ ନିଜକୁ ରଖ
ହିଂସା ଘୃଣା ଯାହା ଅଛି ମନୁ ଦୂରେଇ
ସୁକରମ କରିଯିବା ସଭିଙ୍କୁ ଆଦରେ ଥିବା
ଭାଇଚାରା ନେଇ ସାଙ୍ଗ ହୋଇବା ଆମେ
ଶୃଙ୍ଖଳିତ ଯଦି ହୋଇବା
ମାଆ କାଳୀ ଆଶୀର୍ବାଦ ତେବେ ପାଇବା।୪
ଜଣେ ନୁହେଁ ପଣେ ହୋଇ ଏକତା ମନ୍ତ୍ରକୁ ଗାଇ
ନାଚିବା ଗାଇବା ଆସ ହରଷ ହୋଇ
ଭାବରେ ସଦା ବୁଡି଼ବା ନିଜକର୍ମ କରୁଥିବା
ଭବିଷ୍ଯ ଅବଶ୍ଯ ହେବ ଉଜ୍ଜଳ ଆମ
ରାଗନାହିଁ କେହି କାହାକୁ
ଆସିଅଛି ଦୀପାବଳୀ ଆମ ପାଖକୁ।୫

ସୁକାନ୍ତ ଖଣ୍ଡା
ଶିକ୍ଷକ ଟାଙ୍ଗରତଳି ମଣତା ଘଟଗାଁ କେନ୍ଦୁଝର

Share this :
Next Post

ଦିବା ସ୍ବପ୍ନ - ପ୍ରସନ୍ନ କୁମାର ସାହୁ

ଦିବା ସ୍ବପ୍ନ ମୁହିଁ ଦେଖୁଅଛି ପ୍ରିୟେ ତୁମ ପାଶେ ଅଛ ବୋଲି, ଗପି ଚାଲିଅଛି ମନରେ ସତରେ ତୁମେ ଶୁଣୁ ଅଛ ବୋଲି। ପାଏନି ଉତ୍ତର ତୁମ ଠାରୁ କିଛି ମୋ ମନ ବ୍ୟାକୁଳ ହୁଏ, ମନରେ ସତରେ ଦେଖେ ତୁମ ରୂପ ସତରେ ଦେଖି ନଥାଏ। କାହିଁକି ରହିଛ ମନରେ ତୁମେ ଯେ ସତରେ ଯଦି ହେ ନାହଁ, ଛାଇ ଭଳି ତୁମେ ମୋର ପାଶେ ସଦା ଦିବା […]

Subscribe US Now