ମନକୁ ନକର ଗେଳିଆ – ସୀମାଞ୍ଚଳ ପଣ୍ଡା

Views: 9
0 0
Read Time:2 Minute, 24 Second

 

ମନରେ    ଜଗତ    ହୁଏ   ଆତଯାତ
ଲୋଡିଲେ ବିବେକ ବତାଏ ବାଟ,
ମନକୁ    ଗୋଳିଆ   କଲେ ବିଟାଳିଆ
ହୋଇ  କରିଥାଏ  ଅବୁଝା ନାଟ।

ମନ   ଥିଲେ  ଭଲ   କରମେ   ଅସଲ
ଫଳ ଲଭେ  ନର  ସରଳେ  ଅତି,
ମନର   ଭାବନା    ଥିଲେ    ଆନମନା
ହୁଅଇ    ବିଷମ    ଫଳ   ପ୍ରାପତି,
ମନକୁ   ସଜାଡ଼ି   ଆଗେ   ଚାଳ  ଗାଡ଼ି
ମନୋବଳେ ପାର  ହୋଇବ ଘାଟ,
ମନରେ    ଜଗତ     ହୁଏ    ଆତଯାତ
ଲୋଡିଲେ  ବିବେକ ବତାଏ ବାଟ।

ଶୁଦ୍ଧ   ମନେ   ଜନ    ସରସ   ଜୀବନ
ପ୍ରାପତେ  ସଂସାର  ଚାଳଇ  ସୁଖେ,
ମନ  ଗଲେ   ପୋଡ଼ି  ଅନ୍ଧାରରେ ବାଡ଼ି
ବୁଲାଏ   ଜୀବନ  ସରଇ  ଦୁଃଖେ।

ସତ୍ୟ    ପ୍ରବଚନ     ସରସ     ଜୀବନ
ଚଳଣି   ଶିଖାଏ    ଜୀବନ   ସାରା,
ସତ୍ୟ       ଅନୁସରି       ସତସଙ୍ଗ କରି
ଉଷତ   ମନରେ     ପ୍ରଶାନ୍ତ   ଧରା,
ଯେତେ      ଅଘଟଣ     ମନ  ପ୍ରଦୂଷଣ
କାରଣ    ସଂସାରେ ସରଜେ ଫାଟ,
ମନକୁ   ଗୋଳିଆ    କଲେ   ବିଟାଳିଆ
ହୋଇ   କରିଥାଏ   ଅବୁଝା  ନାଟ।

ଗୋଳିଆ   ମନରେ   ପାପ କାରବାରେ
ଲାଗଇ  ମଣିଷ   ମୋହରେ  ତା’ର,
ଶୁଦ୍ଧ     ସୁମନରେ    ପ୍ରସନ୍ନତା   ଭରେ
ଭବ     ଅନୁଭବେ    ସରଗ   ପୁର।

ସୀମାଞ୍ଚଳ ପଣ୍ଡା

ଶିକ୍ଷକ,ଡେଙ୍ଗାଡି,ଗଞ୍ଜାମ,

 

Share this :

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Next Post

ଅନ୍ତରଙ୍ଗ ବନ୍ଧୁ - ବାସନ୍ତି ଲତା ଜେନା

  ଦୁଃଖ ସୁଖ ଭରା ଜୀଵନ ପଥରେ ବନ୍ଧୁ ଦରକାର ହୁଏ ମନ କଥା ଖୋଲି କହିଲେ ବନ୍ଧୁରେ ମନ ଶାନ୍ତ ହୋଇ ଯାଏ l ୧l ଭଲ ବନ୍ଧୁଟିଏ ଜୀବନରେ ଥିଲେ ଆଉ କିଛି ଲୋଡ଼ା ନାହିଁ ଆପଦେ ବିପଦେ ସାହା ହୋଇଥାଏ ଦୁଃଖ ଯାଏ ତ ଦୂରେଇ l ୨l ଏସାର ଦୁନିଆ ସ୍ୱାର୍ଥରେ ଭରିଛି ସ୍ୱାର୍ଥର ସାରଥୀ ହୋଇ ସ୍ୱାର୍ଥ ସରିଗଲେ ଦୂରେଇ ଯାଆନ୍ତି ବିପଦରେ […]

Subscribe US Now