ଶୀତର ଗୀତ(ଶିଶୁ କବିତା) – ସୁସ୍ମିତା ଶତପଥି

Views: 27
0 0
Read Time:2 Minute, 5 Second

 

ଶୀତ ରେ ଶୀତ
ତୁ ଆମ ମିତ
ତୋ ବାଟ ଚାହିଁ,ତୋ କଥା ଭାବି
ଗାଉଛି ଗୀତ।
ଟପର ଟପର
ପଡେ କାକର
କେଡେ ସୁନ୍ଦର,ଭିଜାଇ ଦିଏ ସେ
ଗଛ ପତର।
ହଳଦୀ ମାଖି
ମେଲାଇ ଆଖି
ବାଡି ବଗିଚା ରେ ଗେଣ୍ଡୁ ଫୁଲ ଝୁଲେ
ଆଖି ଯାଉଛି ଲାଖି।
ସବୁଜ କ୍ଷେତ
ମଜା ବହୁତ
ଶୀତ ସକାଳେ ଚଷା ଭାଇ ଗାଏ
ଆନନ୍ଦେ ଗୀତ।
ଶୀତ କୁ ଡରି
ମନକୁ ମାରି
ଅଳସୁଆ ହୋଇ ବସିବାନି କେବେ
ଯିବାଟି ହାରି।
ଜୀବାଣୁ ବଂଶ
ହୁଅଇ ନାଶ
କାଲୁଆ ଶୀତଟା ଭାରି ଉପକାରୀ
ଭାରି ସରସ।
ଋତୁଚକ୍ରରେ
ଛଅ ଋତୁ ରେ
ଖରା, ବର୍ଷା,ଶରତ, ହେମନ୍ତ,ଶୀତ ଓ ବସନ୍ତ
ଆସେ ସଧିରେ।
ଯତନ କରି
ରଖିବା ଧରି
ଆମ ପରିବେଶ ନଷ୍ଟ ହୋଇଗଲେ
ଯିବାଟି ମରି।
ଗଛ ଲଗାଇ
ଦେବା ବଢାଇ
ଋତୁ ଅନୁଯାୟୀ ନାନା ଜାତି ଫଳ
ଦେବାଟି ଖାଇ।

ସୁସ୍ମିତା ଶତପଥି
ଅଧ୍ୟାପିକା, ଟ୍ରାଇଡେଣ୍ଟ୍ ଇଂ କଲେଜ
ଭୂବନେଶ୍ଵର

Share this :
Next Post

ଦୟା ଓ କ୍ଷମା - ନିର୍ମଳ ନାୟକ

  ରୂପ ରେ ଗୁଣ ରେ ଥାଉ  ସୁନ୍ଦର… ଦୟା, କ୍ଷମା  ଥିଲେ ଚି଼ର ସୁନ୍ଦର !! ଅଳଙ୍କାର ବିନା ମୋହିନୀ କାୟା.. ସତେ ଅବା ଦୟା,କ୍ଷମାର ମାୟା !! ଜୀବ ପ୍ରତି ଦୟା  ଭାବ  ଆଚରି… କ୍ଷମା କରିଦେବ ହେଲେବି ଅରି !! ସଦା ବେଳେ ଦୟା ଗୁଣ ସହିତ.. ନିର୍ଦୟ ନ ହେବ  କ୍ଷମା ରହିତ !! ଲୋଭ,ମୋହ ଠାରୁ ଯିବ ଦୁରେଇ ସ୍ୱାର୍ଥପରତା କୁ ଦେବ […]

Subscribe US Now