ହେମନ୍ତ ଆସିଲା – କବିସୌରଭ କୈଳାଶଚନ୍ଦ୍ର ବେହେରା

Views: 5
0 0
Read Time:2 Minute, 0 Second

 

ହେମନ୍ତ ଆସିଲା
ହିମ ନେଇ ,
ହରିତ ଘାସରେ
ମଣି ଥୋଇ ।
ହଳକାମ ଗଲା
ଶେଷ ହୋଇ ,
ହାଲିଆ ମାରୁଛି
ଚାଷୀଭାଇ ।
ହସୁଅଛି ଧାନ
କେଣ୍ଡା ନେଇ ,
ହସୁଛି ଶୀତଳ
ବାଆ ପାଇ ।
ହିଡେ ଜଗି ଅଛି
ଦିନା ଭୋଇ ,
ହଜିଯାଏ ମଜା-
ଗୀତ ଗାଇ ।
ହଲି ହଲି ଆସେ
ରଘୁ ସ୍ବାଇଁ ,
ହାଟରୁ ଗରମ
ଲୁଗା ନେଇ ।
ହଗୁରୀ ନାନୀର
ବର ଥାଇ ,
ହଟହଟା କରେ
ଲୁଗା ପାଇଁ ।
ହରିଆ ଭାଇର
ପୁଅ ଥାଇ ,
ହେତୁକରେ ଜାମା
ନେବା ପାଇଁ ।
ହୁତୁ ହୁତୁ ହୋଇ
ଜଳେ ଜୁଇ ,
ରାଧିକା ବସିଛି
ନିଆଁ ପୋଇଁ ।
ହଲାଉଛି ମଥା
ଖୁସି ହୋଇ ,
ହାଇ ମାରୁଅଛି
ବୁଢ଼ୀ ଆଈ ।
ହଟୁଅଛି ନାତି
ଗପ ପାଇଁ ,
ହାତ ଥରିଯାଏ
ଥଣ୍ଡା ପାଇ ।
ହାକୁଟି ମାରୁଛି
ଧନୀ ଥାଇ ,
ହିମ ପାଇଁ ତା’ର
ଚିନ୍ତା ନାହିଁ ।

କବିସୌରଭ କୈଳାଶଚନ୍ଦ୍ର ବେହେରା
ବାଲିଗୁଡ଼ା , କନ୍ଧମାଳ

Share this :

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Next Post

ଶୋଇ ଦିଅନା ଇଚ୍ଚ୍ଥାକୁ - ସଂଯୁକ୍ତା ସାହୁ

ସୁଯୋଗକୁ ହାତଛଡା କରିବାକୁ ଦିଅନି ଶୁଦ୍ଧତାର ମସୃଣ ରେଶମୀ ଆଚ୍ଛାଦନକୁ ଉଚ୍ଚତାକୁ ଶିଡ଼ି ବାନ୍ଧୁଥିବା ଚେତନାରେ ସତ୍ୟ-ଶିବ-ସୁନ୍ଦରର ଅମ୍ଳାନ ଦର୍ପଣକୁ ମଣିଷପଣିଆର ଯେତେ ଶୁଭଫଳକୁ ପୂର୍ଣ୍ଣ ହେଉ ବା ଅଧା ଥିବା ଇଚ୍ଛାସବୁକୁ ସେଇ ଆଶାର ଯେତେ ମଧୁମୟ ସ୍ବପ୍ନକୁ ଶୋଇ ଦିଅନା ତା’ର ଆଶା ଆଶ୍ୱାସନା ନା ଅଦମଦିତ କରନାହିଁ ତା ଭରସାକୁ ତା ଅନୁଭବର ସ୍ୱର ଆଉ ବିନା ଝଙ୍କାରକୁ ନିଜର ସତ୍ ଭାବନାର ଇଚ୍ଛାକୁ ଆଉ […]

Subscribe US Now