ଆମ ପରିବାର ସୁଖି ପରିବାର – ସୁରେନ୍ଦ୍ର କୁମାର ବେହେରା

Views: 5
0 0
Read Time:2 Minute, 27 Second

 

ଆମ ପରିବାର ସୁଖୀ ପରିବାର
ବୈକୁଣ୍ଠ ସମାନ ଘର
ମିଳିମିଶି ଆମେ ଚଳିବା ଶିଖିଛୁ
ସବୁ ଏଠି ଆପଣାର ।୧।

ଘର ପାଇଁ ଯାହା ଯେତେବେଳେ ଲୋଡା
ଜେଜେବାପା ଆଣିଥାନ୍ତି
ଘରର ମୂରବି ଯାହା କହିଥାନ୍ତି
ଘର ଲୋକେ ମାନିଥାନ୍ତି ।୨।

ବୁଢୀମା ଘରର ଯେତେ ସବୁ କାମ
ସକାଳରୁ ସଞ୍ଜ ଯାଏ
ଆପଣା ଖୁସିରେ ଚଳାଇ ନିଅନ୍ତି
ମନରେ ଦୁଃଖ ନଥାଏ।୩।

ସକାଳ ସଂଜରେ ଠାକୁର ପୂଜନ୍ତି
ଆମକୁ କୁହନ୍ତି ଗପ
ଆଚାର ବିଚାର ଯେତେକ ସଂସ୍କାର
ପ୍ରତିଦିନ ଜପ ତପ ।୪।

ଗାଈଗୋରୁ ଙ୍କର ଖାଇବା ଖବର
ଚଢେ଼ଇଙ୍କ ପେଟ କଥା
ଆମ ପରମ୍ପରା ସଂସ୍କୃତି ନିଆରା
ଦେଶ ଜାତି ଆମ ପ୍ରଥା ।୫।

ଶାନ୍ତି ଶୃଙ୍ଖଳାରେ ନୀତି ନିୟମରେ
ସାରା ପରିବାର ଚାଲେ
ସବୁବେଳେ ବେଶି ହସ ଖୁସି ମିଳେ
ବୁଢୀମା ପାଖରେ ଥିଲେ ।୬।

ବୁଢୀମା ଆମର ଦେବୀ ଟିଏ ହୋଇ
ଆମକୁ ହୁଅନ୍ତି ସାହା
ଆମ ପରିବାର ଖୁସି ଲାଗେ ମତେ
ପାଖରେ ବୁଢୀମା ଠିଆ ।୭।

ସୁରେନ୍ଦ୍ର କୁମାର ବେହେରା

Share this :

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Next Post

ଦୁଃଖିର ଉପହାସ - ମମତା ବାରିକ

ଦୁଃଖି ର ଉପହାସ ****************** ଦୃଶ୍ୟମାନ ହୁଅନ୍ତି ସର୍ବେ ନୃପରାଜ, ଏମତି କରନ୍ତି ସେ ଦୁଃଖି ଅତିଥିର ଚର୍ଚ୍ଚା, ହୃଦୟ ତାଙ୍କ ସତେକି ଦୟା,କ୍ଷମା ର ଭଣ୍ଡାର, ଜଣାପଡେ ଶେଷେ, ନୁହଁନ୍ତି ସେ ଏ ସମ୍ମାନର ଅନୁପଯୁକ୍ତ, ନ ଥାଏ ତାଙ୍କ ପାଖେ ଦୁଃଖି ପ୍ରତି ବଦାନ୍ୟତା। ମିଥ୍ୟା ଛାୟା ତଳେ ଯେ ସେମାନେ ଆଶ୍ରିତ, ଲୋକଦେଖାଣିଆ କରନ୍ତି କାର୍ଯ୍ଯ, ଅବିବେକି ନଥାଏ ତାଙ୍କ ହୃଦୟ, ଏଭଳି ବ୍ୟକ୍ତି ଙ୍କୁ […]

Subscribe US Now