ସ୍ବାଗତ ନବ ବର୍ଷ ୨୦୨୨- ପ୍ରିୟମ୍ବଦା ରାଉତ

Views: 11
0 0
Read Time:2 Minute, 33 Second

ତୁମେ ତ ଆସିବ ନିଶ୍ଚୟ ଆସିବ
ମୁକ୍ତାର ଓଢଣୀ ଟାଣି,
ଥିରି ଥିରି ପାଦେ ଗିରିବନ ପଦେ
ଶିଶିର ସ୍ନାତା ଧରଣୀ l
ଆମ୍ରବନ ମାଳେ କୁମ୍ଭାଟୁଆ ତୋଳେ ମଧୁମହ୍ଲାର ରାଗିଣୀ,
ପୁଷମାସ ଶୀତ କରେ ନାହିଁ ଭୀତ
ଶୁଭୁଛି ବାଣ ରୋଷଣୀ l
ସ୍ୱାଗତ କରୁଛୁ ହେ ନୂଆ ବରଷ
ଗୋ ଅଵଗୁଣ୍ଠନବତୀ,
ଦୀପଜାଳି ଆମେ ସଜାଇ ଦେଇଚୁ
ଆଜି ଏହି ଅମା ରାତି l
ଅର୍ଘ୍ୟଥାଳି ଧରି ପାଛୋଟି ନେବାକୁ
ସଜାଇଛୁ ଜନପଥ,
ସୁଖ ଓ ସମୃଦ୍ଧି ଭରି ଦେବ ତୁମେ
ଦେଖାଇ ଦେବ ସୁପଥ l
ଆଶା ଓ ଭରସା ବିଶ୍ୱାସର ମନ୍ତ୍ରେ
ଅଭିମନ୍ତ୍ରିତ କରାଇ,
ହୁସିର ଜୁଆର ଭରି ଦିଅ ପ୍ରାଣେ
ସ୍ୱାଗତ ସଂଗୀତ ଗାଇ l
ସୀମାହୀନ ଆଶା ଅସୁମାରୀ ସ୍ବପ୍ନ
ସାକାର ହେଉ ଆମର,
ତୁମରି ଆଶିଷେ ଦୂର ହୋଇ ଯାଉ
କୋରନାର ଅତ୍ୟାଚାର l
ନୂତନ ସୂରୁଜ ଆଗମନେ ଦୂର
ହୋଇଯାଉ ଦୁଃଖ ରାଶି,
ଶୁଭ ଶଙ୍ଖ ଫୁଙ୍କି ସ୍ୱାଗତ କରୁଛୁ
ଦୁଇ ହଜାର ବାଇଶି l

ପ୍ରିୟମ୍ବଦା ରାଉତ, କୁଡୁମୁଲୁଗୁମ୍ମା, ମାଲକାନଗିରି l

Share this :

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Next Post

ଶୁଭ୍ ନୁଆଁ ବଛର୍ - ଶିବାନି ପାଢି

ଗୁଟ୍ କର୍ ଉତ୍’ରୁ, ଗୁଟେ ଉତ୍’ରେ ବେଲ୍ ହର୍ ଘଡି ନୁଆଁ…, ସୁର୍’ତା ର୍ ବୁଚ୍’କା, ଗଁଠଲି ଚେଁପେଇ ପାହା ଥାପୁଛେ ସମିଆଁ… । ମରନ ର୍ ଖେଲ୍ ମୁର୍’ଦାର୍ ଗଁଧି , ଉଥଲ୍ ପୁଥଲ୍ ଜୀବନ୍…, ତଥାପି ତ ଆଶ୍, ପାହାଁତି ହଉ , ଜୀବନ୍ ଧୁନ୍ ଥି ମଗନ୍ । ଲସ୍’ଲସେଇ ତ, ପିକେଇ ଉଠେ, ଆଶ୍ ଟେ ଜୀବନ୍ ଧାରେଁ.., ଟୁପ୍’ଲେ ଦରଦ୍, ଚାଙ୍ଘ୍’ରେ ହଁସି, […]

Subscribe US Now