ସେଇ ସନ୍ଧ୍ଯା ମୋର – ସସ୍ମିତା ପଣ୍ଡା

Views: 23
0 0
Read Time:2 Minute, 29 Second

ଆଜିବି ତୁ ମୋର
ଗୋଧୂଳି ପ୍ରଲେପ
ଦିନାଙ୍କର ଶେଷ ସ୍ପର୍ଶ ।
ସଜଳ ସ୍ମୃତିରେ
ଦୀପାଳୀର ସଂଜ୍ଞା
ଲେଉଟାଣି ଶେଷ ବର୍ଷ ।।
ତୁ ମୋର ସେହି
ଅନ୍ତାକ୍ଷରୀ ପାଦ
ପ୍ରଦୋଷର ଅଭିବ୍ୟକ୍ତି ।
ପ୍ରକୃତି ମାୟାରେ
ଆଲକ୍ତ ଦିଗନ୍ତ
ନବାକ୍ଷରୀ ଅନୁଭୂତି ।।
ପ୍ରତିଟି ପୃଷ୍ଠାରେ
ତଲ୍ଲିନ ସ୍ବାକ୍ଷର
ଆଳତିର ସମର୍ପଣ ।
ଶବ୍ଦ ଆଲେଖ୍ୟର
ଅନ୍ତସ୍ବର କେବେ
ହୃଦୟର ଅଭିମାନ ।।
ସେହି ସମୟର
ଜଟିଳ ଜ୍ୟାମିତି
ଜୀବନର ଉପପାଦ୍ୟ ।
ଲୁହ ଲହୁ ମିଶା
ପ୍ରାପ୍ତ ପରିଧି ରେ
ଭାଗ ବିୟୋଗର ଭୋଗ୍ୟ ।।
ଅଜଣା ଆତଙ୍କ
ଲକ୍ଷ୍ମଣ ରେଖାରେ
ମହାମାରୀ ଅଭିଧାନ ।
ସତର୍କ ସଚେତ
ଆୟତନେ ଯୋଡ଼ା
ଭାଙ୍ଗିଯାଇଥିବା ମନ ।।
ମାନିନୀ ସନ୍ଧ୍ୟା ର
ଅଲିଅଳ ଉକ୍ତି
ସାଇତା ଜୀବନ ଗୀତା ।
ଆଜିବି ତୋ ସାଥେ
କଳ୍ପନା କଲମେ
ଅତୁଟ ଅତିଥି ବାର୍ତ୍ତା ।।
ଶେଷ ସ୍ପର୍ଶ ମୋର
ଦିନ ମାସ ବର୍ଷ
ଅନ୍ତିମ ଆଳାପ ସାଥେ ।
ଜାଣେନାହିଁ ମୁଁ ଯେ
ଭବିତବ୍ୟେ କେବେ
ଭେଟିବି କି କେଉଁ ପଥେ ।।

ସସ୍ମିତା ପଣ୍ଡା

କଟିକଟା,କଟକ

Share this :
Next Post

ଶ୍ରୀକ୍ଷେତ୍ର ପରିକ୍ରମା - ରତିନାରାୟଣ ରାଉତ

ଚାରିଧାମେ ଶ୍ରେଷ୍ଠ ଅଟେ ଶିରିକ୍ଷେତ୍ର ସେ ପୁରୁଷୋତ୍ତମ ଧାମ ପରିକ୍ରମା କରେ ସେହି ଧାମ ଯିଏ ପୂର୍ଣ୍ଣହୁଏ ମନସ୍କାମ || ଚାରି ଦ୍ୱାରେ ଧର୍ମ ଅର୍ଥ କାମ ମୋକ୍ଷ ପ୍ରାପ୍ତ ହୁଏ ଭକ୍ତଙ୍କର ମେଘନାଦ ନାମ ପ୍ରାଚୀରମଧ୍ୟରେ ବେଢାଟି ଅଛି ତାଙ୍କର || ଶରଧା ବାଲିରେ ସିଂହଦ୍ୱାରଠାରେ ଅରୁଣ ଦେବତା ବିଜେ ବାଇଶି ପବଚ୍ଛେ କାଶୀବିଶ୍ୱନାଥ କଲପବଟ ବିରାଜେ || ମୁକତି ମଣ୍ଡପ ରୋହିଣୀର କୁଣ୍ଡ ଗଣେଶ ଲକ୍ଷ୍ମୀ ବିମଳା […]

Subscribe US Now