ନୂଆ ନୂଆ – ପ୍ରସନ୍ନ କୁମାର ସାହୁ

Views: 19
0 0
Read Time:3 Minute, 8 Second

ନୂଆ ନୂଆ ସବୁ
ସଂସାରେ ଆସୁଛି
ପୁରୁଣା ସତ୍ତା ହଜୁଛି,
ଦେଖିବାକୁ ପରା
ସପନ ହେଉଛି
କିଛି ସ୍ମୃତିରେ ରହିଛି।
ଯନ୍ତ୍ର ପେଷଣା ଟି
ଘର କରଣା ଯେ
ସଭିଙ୍କ ଘରେ ରହିଛି,
ଶିଳ ଟିଏ କିମ୍ବା
ଘୋରଣା ଗୋଟିଏ
ଦେଖିବାକୁ ନ ମିଳୁଛି।
ଶୀତଳ ପେଢ଼ି ଯେ
ସଭିଙ୍କର ଘରେ
ଦେଖିବାକୁ ସିନା ମିଳେ,
ଦଉଡି ତିଆରି
ସିକା ଖଣ୍ଡିକ ଯେ
ଦେଖିବା କାହିଁ ନ ମିଳେ।
ଆମ ପିଲା ଛୁଆ
ଦେଖି ନାହାନ୍ତି ଯେ
ହେମ ଦସ୍ତା ଗୋଟି କିସ,
ଟ୍ରାକ୍ଟର ରେ ସବୁ
ହୁଏ ଚାଷ କାମ
ପିଲାଙ୍କୁ ଅଜଣା ଇଶ।
ଗୁଡୁ ଶଗଡ଼ରେ
ବସି ଆସିଥିଲେ
ଘରକୁ ଯେ ନୂଆ ବୋହୂ,
ଆମ ପିଲା ଆଜି
ବୁଝି ପାରନ୍ତିନି
ଗୁଡୁ ଶଗଡ଼ ଯେ କହୁ।
ଚାଞ୍ଚ ରେ ତିଆରି
କାନ୍ଥ ଥିଲା ଘରେ
ଚାଞ୍ଚେ ବୁହା ବାଡ଼ି ଖତ,
ଚାଞ୍ଚ କଥା ଆଜି
କହିଲେ ପିଲାଏ
କହନ୍ତି ମିଛ କି ସତ।
ଦେଖି ଅଛି କିଏ
ସବାରି ଭିତରେ
ଆସୁଥିଲେ ନୂଆ ବୋହୂ,
ଠୋ ଠୋ ହୋଇ ପରା
ହସନ୍ତି ପିଲାଏ
ସବାରି ଯେବେ ହେ କହୁ।
ଧନ ଅମଳ ଯେ
ହେଉଅଛି ଆଜି
ଟ୍ରାକ୍ଟର ର ସାହାଯ୍ୟରେ,
ବେଙ୍ଗଳା ପଡୁନି
ଖଳାରେ ଯେ ଆଉ
ଆଡିଆ ବାଡା ଖଳାରେ।
ଆସି ଯାଉଅଛି
ସବୁ ନୂଆ ନୂଆ
ହଜିଲାଣି ଯେ ପୁରୁଣା,
ଦାଣ୍ଡରୁ ବାରି ଯେ
ଗୋଟିଏ ହିଁ ଛାତ
ନାହିଁ ଯେ ତହିଁ ଅଗଣା।

ପ୍ରସନ୍ନ କୁମାର ସାହୁ
ବ୍ରହ୍ମପୁର,ଗଞ୍ଜାମ

Share this :
Next Post

ଆଗେଇ ଚାଲରେ ଆଗେଇ ଚାଲ - ଶାନ୍ତି ଲତା ରଥ

  ଆଗେଇ ଚାଲରେ ଆଗେଇ ଚାଲରେ ତୁମେ ଯେତେ ସବୁ କଅଁଳ ଶିଶୁ ଦୁନିଆ ବୃକ୍ଷରେ ପ୍ରଷ୍ଫୁଟିତ ହୁଅ ତୁମ ସୁବାସରେ ଦୁନିଆ ହସୁ ଆଜି ତୁମେ କଳି କାଲିକୁ ଫୁଟିବ ଭବିଷ୍ୟତ ତୁମ ହାତ ଠାରୁଛି ବାସ ବିତରିବ ଆନନ୍ଦ ଭରିବ ପୃଥିବୀ ମାତା ଯେ ଚାହିଁ ରହିଛି। ନିଜ କର୍ମେ ନିଜେ ଆଗଭର ହୋଇ କାମ କରି ଯାଅ ହେ କର୍ମବୀର ଭୀରୁତା ହଟେଇ ଆଳସ୍ୟ ଦୂରେଇ […]

Subscribe US Now