ଶୀତ୍ ଆଏଲା କେପର୍ କୁତି ରାନୀ – ଅନୁପମା ସାହୁ

Views: 16
0 0
Read Time:2 Minute, 58 Second

*॥୧॥*
ଶୀତ୍ ଆଏଲାକେ
ପର୍କୁତିରାନୀ ସଁକ୍ରେଇ
ଦେଲା ତାର୍ ଗାଗର୍,
ଗାଁଆ ଗଁଅଲିର୍
ଝାର୍ପତରାଥିନ୍‌
ନାଚିଡେଗି ବୁଲ୍‌ଲା କାକଂର୍ ॥
*॥ ୨॥*
ଶୁଖ୍ଲା ଧୁକାର୍
ବାଢୁନ୍‌ ଧରି କରି
ବନ୍‌ଢେଇଦେଲା ଡାହି ପଖ୍ରା,
ଝୁର୍ ଝାର୍ ଖୁର୍ଖାର୍
ଶବଦ୍ ଥିନ୍‌ ଅଲସୁଆକେ
ଚାପି ଆନ୍‌ଲାନ କଧ୍ରା॥
*॥ ୩॥*
ପଦମ୍ଫୁଲ୍ ଝୁର୍ମୁରାଲାନ
ଶୀତର୍ ଛିଆଁ ପାଇ
କରି କୁର୍ନି ବନ୍ଧେ ।
କୁର୍ନି ପତର୍ କେଚ୍କେଚା
ଦିଶ୍ଲା ନ ବଂଚୁତ୍ ନାଇଁ
ଇ ଶୀତର୍ ଉ6ଧ ॥
*॥ ୪॥*
ନଏଦ୍ ନଲିଆର୍
ପାଏନ୍‌ ଝଲ୍ଝଲା
ଫାପ୍ ହେଲା ଘାଁଟି ସାନି ,
ଚାଲ୍ ବାର୍ ବାଟେ
ପାହା ଭିଜେଇ ଦେଲା
ଲଟାବୁଟା ଓସ୍‌ ପାନି ॥
*॥ ୫॥*
ବୁଢାବୁଢୀ ମାନ୍‌କୁ
ଢେଣାଁମୁଡା କରି
ଶୀତ୍ ଦେଲା କେଚ୍ଡେଇ,
ସଖାଲ୍‌ ପାଏଲେ
ତପତ୍ ଚାହା ପିଇ
ଆବ୍ରି ବସେଇ ଦେଲାନ ଉମ୍ହେଇ॥
*॥ ୬॥*
ମୁର୍ହି ମୁଙ୍ଗଫଲିଆରୁ
ଚନାର୍ ଚାହେନା ବଢିଗଲା
କେତେ ନୈ କେତେ ,
ନାଡୁନାଡ଼ୁ ହେଲେ
ଗଚ୍ ପତର୍ ମାନେ
ଶୀତର୍ ମାଡ୍‌ କେ ସତେ ॥
*॥ ୭॥*
ଚିଲିମ୍ ଲାଗ୍ଲା ପାଏନ୍‌
ଗାଧ୍ଲା ବେଲେ ଫାଟ୍ଲା
ଦର୍ଙ୍ଗା ଦର୍ଙ୍ଗା ହେଇ ପାହାଁ,
ଦିନ୍‌ ହେଲା ସୁରୁ
ରାଏତ୍‌ ନାଇଁ ସରୁ
ଶୀତ୍ ଗୁଲ୍ଗୁଲା କର୍ଲା ମାହାଁ ॥

ଅନୁପମା ସାହୁ
ଶିକ୍ଷୟିତ୍ରୀ, ବଡ ପଦନା
କେନ୍ଦୁଝର

Share this :
Next Post

ବଡ଼ଦାଣ୍ଡ ଧୂଳି - ସୁକାନ୍ତ ଖଣ୍ଡା

ଯେଉଁଦିନ ମୋର ରୋଗ ଭଲ ବୋଲି କହିଲେ ଡାକ୍ତର ସତ କଟକର ବଡ଼ ଡାକ୍ତରଖାନାରେ ମୋ ପତ୍ନୀ ଧରିଲେ ହାତ।୧ କହିଲେ ଶୁଣୁଛ ମୋର ଏ ସିନ୍ଦୂର ତୁମକୁ ଟାଣି ରଖିଲା ଦ୍ବିତୀୟ ଜୀବନ ପାଇଲ ଏଥର ଆଜି ମୋ ହୃଦୟ ଖୋଲା।୨ ଏହିଠାରୁ ଚାଲ ପୁରୀ ବୁଲିଯାଇ ବଡ଼ ଦାଣ୍ଡରେ ବୁଲିବା ତାର ବାଲିଧୂଳି ମୁଣ୍ଡରେ ବୋଳିକି କୃତାର୍ଥ ଆଜି ହୋଇବା।୩ ପତ୍ନୀର କଥାକୁ ସମ୍ମାନ ଦେଲି ମୁଁ […]

Subscribe US Now