ଫଗୁନ୍ ରଜା – ପିଙ୍କୁ ରଣବିଡା

Views: 14
1 0
Read Time:1 Minute, 38 Second

 

କୁଇଲି ଗାଉଛେ କୁହୁ କୁହୁ ସୁରେ
ବଉଲ୍ ଗଛର୍ ଡାଲେ,
ନନୀ ମହୁଲ୍ ବେଟୁଛେ ଟୁପା ଟୁପା
ଡଙ୍ଗର୍ ଝରନ୍ ଝାରେ।

ଧର୍’ତି ଦିସୁଛେ ସାଗୁଆ ବରନ୍
ନୂଆଁ ପତର୍ ପାଉଲି,
ନୂଆଁ ଭୁଆସେନ୍ ଉଢ୍’ନା ଲଗେଇ
ଟରୋ ଟରୋ ଯାଏ ଚାଲି।

ଝରନ୍ ପାଏନ୍ ଚକ୍ ମକ୍ କରେ
ସତେ କାଏଁ ଖାଣ୍ଟି ହୀରା,
ଚାର୍ କେନ୍ଦୁ ଆମ୍ ଗଛେ ଫଲ୍’ଲାନ
ହେଇକରି କେରାକେରା।

ଫଲସା ଫୁଲ୍ ଲାଲ୍ ଜର୍ ଜର୍
ମନ୍’କେ ନେଲାନ ଘିନି,
ସୁରୁଜ୍ ରସିଆ ସକାଳୁ ସକାଳୁ
ରଙ୍ଗ୍ ଦେଉଛେ ବୁନି।

ଋତୁ ରଜା ଫଗୁନ୍ ଦଉଡି ଆସି
ସମ୍’କୁ କଲା ବାଉରା,
ଫଗୁ ମଖେଇଦେଲା ପେରେମ୍ ରଙ୍ଗେ
ଘାଏକ ଦେଇ ଚହରା।

ନାମ-ପିଙ୍କୁ ରଣବିଡା
ଜିଲ୍ଲା-ସମ୍ବଲପୁର
ସ୍ଥାନ-ଠେମରା (ପଦରପଡା)

Share this :
Next Post

ବାଃ ରେ ମଣିଷ ବାଃ - ସୁଚିତ୍ରା ରଣା

ଚରିତ୍ର ତୋହର କରୁଛି ବର୍ଣ୍ଣାନ ଶୁଣୁ ତୁ କାନ ଡେରି••••• ଅରଜିଛୁ କେତେ ପାପ ପୁଣ୍ୟ ଫଳ ଭାବେ ତୁ ମନ ଭରି•••• ଗର୍ବ ରେ ଜିତୁଲୁ ଗଡ଼ରାଜ ତୁହି ଅହଂକାରେ କଲୁ ନଅର••••• ହିଂସା ବାଦରେ ପ୍ରଜା ପାଳିଲୁ ମିଥ୍ୟା ନାମ ଦେଲୁ ସହର••••• ମୋହର ମୋହର କହି ବୋହି ନେଲୁ ପର ଧନ ପର ଟଙ୍କା•••••• ଆଦରି କି ମନ ପୁରୁନାହିଁ ତୋର ତଥାପି ହେଉଛୁ ଧନ […]

Subscribe US Now