ଭକ୍ତି ନୈବେଦ୍ୟ(୨୨) – ସସ୍ମିତା ପଣ୍ଡା

Views: 10
0 0
Read Time:1 Minute, 49 Second

ତୁମେ ସକାଳର ପହିଲି ମହକେ
ମିଳନର ଆବାହନୀ ।
ମହଣେ ମୋହରେ ପ୍ରଲମ୍ବିତ ଆଶା
ମୁଁ ଅପେକ୍ଷାର ସୁରଧୁନୀ ।।

ମୁଗ୍ଧ ମନ୍ଦାକିନୀ ପ୍ରାଣତନ୍ତ୍ର ତୁମେ
ମୁକ୍ତିତୀର୍ଥ ସଞ୍ଜିବନୀ ।
ଅୟୂତ ଯାତନା ମୁଖବନ୍ଧ ମୁଁ ଯେ
ମାୟାବୃତ୍ତ ସ୍ରୋତସ୍ବନୀ ।।

ଅନ୍ତରୁ ଅନନ୍ତ ତନ୍ମୟ ସ୍ବାକ୍ଷର
ସଂସିଦ୍ଧି ଶାଶ୍ବତ ଝର ।
ମୁଁ ଯେ ରଙ୍ଗହୀନ ଚିତ୍ରାଙ୍କନ ଟିଏ
ରୁଚି ଅଭିରୁଚି ସ୍ବର ।।

ନବ ଧରଣୀର ବିଚିତ୍ର ବିଭବ
ତୁମେ ତୃପ୍ତି ସଂକୀର୍ତ୍ତନ ।
ମୁଁ ଅହମିକା ପ୍ରଚ୍ଛଦ ପଟରେ
ଗୋଟେ ବୃଥା ଆସ୍ଫାଳନ ।।

ତୁମେ ସଂକଳ୍ପିତ ବିଭୋର ଆହ୍ବାନ
ନିଖିଳ ଓଠରେ ହସ।
ମରୁ ମରିଚୀକା ଯାତ୍ରୀଟିଏ ମୁଁ ଯେ
ବିପୁଳ ତୃଷ୍ଣାର ବଶ ।।

ସସ୍ମିତା ପଣ୍ଡା
କଟିକଟା, କଟକ

Share this :
Next Post

ମହାବାହୁ - ଉପେନ୍ଦ୍ର କୁମାର ବସ୍ତିଆ

ଏ ସାରା ବିଶ୍ୱର ଏକ କଳାକାର ମାୟା ତବ ଅଗୋଚର ମାୟାରେ ବାନ୍ଧିଛ ସାରା ଜଗତକୁ ହୋଇ ଶାଖା ସହୋଦର ।୧ ଆହେ ବିଶ୍ୱପ୍ରେମ୍ ନ ହୋଇ ମଉନ ଦିଅ ହେ ଆଶିଷ ଢ଼ାଳି ତୁମକୁ ପ୍ରଣତି ଏ ବିଶ୍ଵ ଢାଳୁଛି ସମର୍ପଣ ମୁଦ୍ରା ତୋଳି ।୨ ଅଚିହ୍ନା ରୋଗରେ ବିଶ୍ଵ ଆତଙ୍କିତ ପ୍ରତି ପ୍ରାଣ ବ୍ୟାକୁଲିତ ସନ୍ତାପିତ ପ୍ରାଣେ ଦିଅ ହେ ସାନ୍ତନା ଶାନ୍ତି ଲଭୁ ଏ ଜଗତ […]

Subscribe US Now