ମାଆ ଓ ମମତା – ସ୍ୱାଗତିକା ମିଶ୍ର

Views: 9
0 0
Read Time:2 Minute, 11 Second

 

ଦଶ ମାସ ଦଶ ଦିନ ଗର୍ଭେ ଧରି
ଜନ୍ମଦେଲା ଅନ୍ତ ଚିରି,
ବକ୍ଷର ଅମୃତ ଝରାଇ ହରଷେ
ଖୁଆଇଲା ପେଟ ଭରି l

ଅଳି ଅରଦଳି ସବୁ ସହି ଯାଇ
ପାଳେ ସ୍ନେହ ଶ୍ରଦ୍ଧା ଦେଇ ,
ପିଲାଙ୍କ ଖୁସିରେ ଖୁସି ହୋଇ ସିଏ
ଜୀବନ ଦିଏ ବିତାଇ l

ନିର୍ଝରିଣୀ ତୋୟ ସମ ତା ପରଶ
ଅନୁଷ୍ଣ ତାହାର ମନ,
ସନ୍ତାନ ନିମନ୍ତେ ଆଜୀବନ ମାଆ
ଉତ୍ସର୍ଗ କରେ ଜୀବନ l

ନିଜେ ନଖାଇ ସେ ପିଲାଙ୍କୁ ଖୁଆଇ
ସହିଯାଏ ଭୋକଶୋଷ,
ସବୁ ଦୁଃଖକଷ୍ଟ ଅମୀୟ ତା ଲାଗି
ମୁଖେ ରଖିଥାଏ ହସ l

ମାଆର ପଣତ ଶ୍ରୀମନ୍ଦିର ନେତ
ଅତ୍ୟୟ ପାରେନି ଛୁଇଁ,
ତାହାର ମମତା ସେନେହ ସାଇତା
ବର୍ଣ୍ଣି କି ପାରିବି ମୁହିଁ !

ମାଆ ବୋଲି ଯେଉଁ ଦୁଇଟି ଅକ୍ଷର
କିଏ ହେବ ତାର ସରି ,
ତା ‘ଚରଣ ଧୂଳି ମଥାରେ ମାରିଲେ
ବିପଦରୁ ହେବି ପାରି l

ସ୍ଵାଗତିକା ମିଶ୍ର
କଣ୍ଟାବାଞ୍ଜି (ବଲାଙ୍ଗୀର)

Share this :
Next Post

ଦେବୀ ବାସନ୍ତୀ - ପ୍ରିୟମ୍ବଦା ରାଉତ

ବସନ୍ତେ ବାସନ୍ତୀକ ପୂଜା ସମ୍ଭାର, ବିଚିତ୍ର ଲୀଳା କରି ଚୈତ୍ର ମାସର ଯେ l ବର୍ଷକେ ଦୁଇଥର ଶକ୍ତିଙ୍କ ପୂଜା, ବିରଚି ଦୁର୍ଗା ରୂପେ ଉଡ଼ାନ୍ତି ଧ୍ଵଜା ଯେ l ବସନ୍ତେ ଓ ଶରତେ ହୁଅନ୍ତି ପୂଜା, ବନେ ଶ୍ରୀରାମ କଲେ ବାସନ୍ତୀ ପୂଜା ଯେ l ବାଳିକା କନ୍ୟା ରୂପେ ପୂଜା କରିଣ, ବରଣ କରିଥିଲେ ପୁରୁଷୋତ୍ତମ ଯେ l ବିଧିରେ ଶହେ ଆଠ ନୀଳ କମଳ, ବାଢି […]

Subscribe US Now