ବିଶ୍ଵ ପଖାଳ ଦିବସ – ସଂଯୁକ୍ତ ସାହୁ

Views: 12
0 0
Read Time:2 Minute, 33 Second

ଆହା ମୋ ପଖାଳ କଂସା ମୋ ପଖାଳ କଂସା
ତା ସହିତ ବଢିଚୁରା କଷି କଞ୍ଚା ଆମ୍ବ ସରସା ।
ଦହି ଲେମ୍ବୁ,ବାଇଗଣ ଭରତା, ଶାଗ ଭଜା
ତା ସହିତ ଶୁଖୁଆ ପୋଡା ଆଉ ମାଛ ଭଜା ।
କେଡେ ସୁଆଦ ମୋ ବାସୀ ତୋରାଣି ପଖାଳ
ଖାଇଲେ ମୁଣ୍ଡ ଥଣ୍ଡା ରୁହେ ସତେଜ ସକାଳ ।
ଖରାଦିନ ପଖାଳ ଦେହକୁ ଅତି ଉପକାର
ଆଂଶୁଘାତ ନ ହୋଇବ ସିଏ ଭାରି ଦରକାର ।
ଗରିବ ଲୋକର ସାଥୀ ସିଏ ସାରା ଜୀବନର
ତୋରାଣି ମୁନ୍ଦେ ତା ପାଇଁ ଦିଏ ଆହାର ।
ଆଧୁନିକ ଯୁଗରେ ତାକୁ କେହି ଲୋଡୁନାହିଁ
ପିଜା, ବର୍ଗର,ମାଗି ନୁଡୁଲ ଖୋଜନ୍ତି ଯହିଁ ।
ଏବେ ମହାମାରୀ କରୋନା କାଳରେ
ପଖାଳ ହିତ ତା ପାଇଁ ଡାକ୍ତର ପରାମର୍ଶରେ ।
ଆଜି ବିଶ୍ୱ ପଖାଳ ଦିବସ ପାଳୁଛନ୍ତି ସବୁଠାରେ
ଗୋଟିଏ ଦିନ ଖାଇଲେ କି ହେବ ଭାବନ୍ତୁରେ ।
ଏବେ ସେ ପଖାଳ ଆଉ କେହି ଖାଉନାହିଁ
ବେଶି ରୋଗ ମାଡୁଅଛି ସବୁଠାରେ ତହିଁ ।
ଆମ ପ୍ରିୟ ଜଗନ୍ନାଥ ଓଡ଼ିଶାର ମଉଡ଼ମଣି
ସିଏ ଖାଆନ୍ତି ଦହି ପଖାଳ ଏ କଥା ରଖିଥାଏ ଜାଣି ।

ସଂଯୁକ୍ତା ସାହୁ
ରାହାମା
ଜଗତସିଂହପୁର ।

Share this :
Next Post

ମୋ ଗାଁ,ମୋ ସଂସ୍କୃତି - ସୁକାନ୍ତ ଖଣ୍ଡା

ଆଜ୍ଞା ! ଆମ ଗାଁ’କୁ ଥରେ ତ ବୁଲି ଆସନ୍ତୁ ଦେଖି ନିଅନ୍ତୁ ସ୍ବାଧୀନତା ପରବର୍ତ୍ତୀ ମାନଚିତ୍ର ଯାହା ଭୂଗୋଳ ପୋଥିରେ ନାହିଁ ନାହିଁ ବି ଆଜିର ଆଧୁନିକ ଯୁଗର ରେଡି଼ଓ,ଫୋନ ଅବା ଟି.ଭି ଗୋଟେ ଚିରା ଚରିତ ପ୍ରଥା ଏବେ ବି ଦୃଶ୍ଯମାନ। ଆସନ୍ତୁ ନା ଦେଖି ନିଅନ୍ତୁ ଆମ ଏ ଗା’ ଆଉ ସଂସ୍କୃତିକୁ ହୁଏତ ବୁଝିଯିବେ ଗୋଟେ ଦାସତ୍ବ ପ୍ରଥାର ହୀନତା ଗୋଟେ ହୀନ ଚକ୍ରାନ୍ତର […]

Subscribe US Now