ଜଣାଣ – ପିତାମ୍ବର ମାଝୀ

Views: 12
1 0
Read Time:1 Minute, 52 Second

 

ଅକ୍ଷୟ ତୃତୀୟା ଦିନଠାରୁ ତୁମ
ରଥ କାର୍ଯ୍ଯ ଆରମ୍ଭିଲା
କେବେ ହେବ ତୁମ ରଥଯାତ୍ରା ପ୍ରଭୁ
କୁହ ଥରେ ଚକାଡ଼ୋଳା l

ଦେଖିବାକୁ ତୁମ ବାମନ ରୂପକୁ
ମନ ମୋର ବଳିଲାଣି
ମାଉସୀ ମନ୍ଦିର ପୋଡ଼ ପିଠା ଖାଇ
ରଥ ନେଉଥିବି ଟାଣି l

ରଥରେ ବସିଣ କଳା ଠାକୁର ହେ
ଝୁଲିଝୁଲି ଆସୁଥିବ
ତୁମ ଦରଶନେ ଆନନ୍ଦ ଲଭିବି
ନେତ୍ର ମୋ ପବିତ୍ର ହେବ l

କଳୁଷିତ ମୋର ଏ ତୁଚ୍ଛ ଶରୀରୁ
ପାପ ରାଶି ହେବ ଧୋଇ
ହୃଦ ନନ୍ଦିଘୋଷେ ବିରାଜ କରିଲେ
ମୁକତି ଲଭିବି ମୁହିଁ l

ପତିତପାବନ ବାନା ଉଡ଼ାଉଛ
ପତିତ ଉଦ୍ଧାର ପାଇଁ
ରଥ ଦଉଡ଼ିକୁ ଛୁଇଁ ଦେଲେ ତୁମ
ଦୁଃଖ ଯାଏ ଦୂର ହୋଇ l

ପୀତାମ୍ବର ମାଝୀ, ଭରୁଆମୁଣ୍ଡା
କୋମନା, ନୂଆପଡ଼ା

Share this :
Next Post

ଜଗତକୁ ରଖ ହେ କୃପାସିନ୍ଧୁ - ରଞ୍ଜନ କୁମାର ପଣ୍ଡା

  ଦୁଃଖରେ ହେଉ କି ସୁଖରେ ହେଉ ତୁମ ନାମ ପ୍ରଭୁ ମୋ ତୁଣ୍ଡେ ଥାଉ । ଦୀନବନ୍ଧୁ ବୋଲି ଗୁହାରୀ ମୋର ସତ ହହିବାକୁ ଲାଗୁଛି ଡର । ତଥାପି କହୁଛି ଶୁଣ ଠାକୁରେ ଚକାଆଖି ମୋର ଆସ ସତ୍ୱରେ । ଦେଖିବ ଜଗତ ମିଛର ଘର ନିଜ ଲୋକ ଏଠି ସବୁଠୁ ପର । ମିଛ ବାକ୍ୟ ଆଉ ଟାହି ଟାପରା ଚାଲିଛି ଦେଖିବ ଜଗତ ସାରା […]

Subscribe US Now