ଜଗତକୁ ରଖ ହେ କୃପାସିନ୍ଧୁ – ରଞ୍ଜନ କୁମାର ପଣ୍ଡା

Views: 10
1 0
Read Time:2 Minute, 43 Second

 

ଦୁଃଖରେ ହେଉ କି ସୁଖରେ ହେଉ

ତୁମ ନାମ ପ୍ରଭୁ ମୋ ତୁଣ୍ଡେ ଥାଉ ।

ଦୀନବନ୍ଧୁ ବୋଲି ଗୁହାରୀ ମୋର

ସତ ହହିବାକୁ ଲାଗୁଛି ଡର ।

ତଥାପି କହୁଛି ଶୁଣ ଠାକୁରେ

ଚକାଆଖି ମୋର ଆସ ସତ୍ୱରେ ।

ଦେଖିବ ଜଗତ ମିଛର ଘର

ନିଜ ଲୋକ ଏଠି ସବୁଠୁ ପର ।

ମିଛ ବାକ୍ୟ ଆଉ ଟାହି ଟାପରା

ଚାଲିଛି ଦେଖିବ ଜଗତ ସାରା ।

ନିଜ ଭାଇ ବନ୍ଧୁ ପର ସାଜନ୍ତି

ପର ଲୋକ ଏଠି ସ୍ୱାର୍ଥ ଖୋଜାନ୍ତି ।

ବୃଦ୍ଧ ପିତାମାତା ଜରା ନିବାସେ

ପୁତ୍ର କନ୍ୟା ଛନ୍ତି ନିଜ ଉଆସେ ।

ଧର୍ମ ନାମେ ଏଠି ଅଧର୍ମ ଚାଲେ

ପୁଣ୍ୟ ଦେବାଳୟେ ପାପୀଙ୍କ ମେଳେ ।

କହିବା କାହାକୁ ଶୁଣିବ କିଏ

ବଡ଼ ଏଠି ପ୍ରଭୁ ଯାହାକୁ ଯିଏ ।

ତୁମେ ଜଗନ୍ନାଥ ଜଗତେ ବଡ଼

ଧର୍ମେ ଚାଲେ ଯିଏ ସେ ଏଠି ଜଡ ।

ତୁମେ ବୁଝ ପ୍ରଭୁ ଜଗତ ଦୁଃଖ

ତୁମ ନାମ ମୋର ଜୀବନେ ସୁଖ ।

ଏତିକି ଜାଣିଛି ହେ ମହାବାହୁ

ତୁମେ ପାଶେ ଥିଲେ ଭୟ ନ ରହୁ ।

ଜୟ ଜଗନ୍ନାଥ ଶୁଣୁ ଜଗତ

ତୁମ ନାମେ ମୁକ୍ତ ହେଉ ଭକତ ।

ଏତିକି ମାଗୁଣି ହେ ଦୀନବନ୍ଧୁ

ଜଗତକୁ ରଖ ହେ କୃପାସିନ୍ଧୁ ।

 

ରଞ୍ଜନ କୁମାର ପଣ୍ଡା

କୋରାପୁଟ

Share this :
Next Post

ସେହି ପରା ଆମ ମାଆ - ମୋନାଲିସା ପ୍ରିୟଦର୍ଶିନୀ ନନ୍ଦ

ମମତା ପ୍ରେମର ମୃତ୍ତିଟିଏ ସିଏ ବିପଦେ ଆପଦେ ସାହା ସିଏ ଥିଲେ ଆମ ଶକ୍ତି ବଢିଯାଏ ସେଇପରା ଆମ ମାଆ || ସବୁଠାରୁ ମଧୁର ପୁଣି ସୁନ୍ଦର ଶବଦ ଟିଏ ପରା ମା ତାହାରି କୋଳଟି କେଡେ ନିରାପଦ ଶାନ୍ତି ନିଦ ହୁଏ ଆହାଃ || ପଣତ କାନିଟି ତା କେଡେ ନିଜର ଭାରି ଭଲ ଲାଗେ ମୋତେ ତାର ବଳିଦାନ ବ୍ୟାପିଯାଇଅଛି ମାଟିରୁ ଆକାଶ ସତେ || କେତେ […]

Subscribe US Now