ସେହି ପରା ଆମ ମାଆ – ମୋନାଲିସା ପ୍ରିୟଦର୍ଶିନୀ ନନ୍ଦ

Views: 12
1 0
Read Time:3 Minute, 19 Second

ମମତା ପ୍ରେମର ମୃତ୍ତିଟିଏ ସିଏ
ବିପଦେ ଆପଦେ ସାହା
ସିଏ ଥିଲେ ଆମ ଶକ୍ତି ବଢିଯାଏ
ସେଇପରା ଆମ ମାଆ ||
ସବୁଠାରୁ ମଧୁର ପୁଣି ସୁନ୍ଦର
ଶବଦ ଟିଏ ପରା ମା
ତାହାରି କୋଳଟି କେଡେ ନିରାପଦ
ଶାନ୍ତି ନିଦ ହୁଏ ଆହାଃ ||
ପଣତ କାନିଟି ତା କେଡେ ନିଜର
ଭାରି ଭଲ ଲାଗେ ମୋତେ
ତାର ବଳିଦାନ ବ୍ୟାପିଯାଇଅଛି
ମାଟିରୁ ଆକାଶ ସତେ ||
କେତେ କଷ୍ଟ ସହି ସନ୍ତାନ ପ୍ରସବି
ଆନନ୍ଦେ ଅଶ୍ରୁ ଝରାଏ
ପୁଣି ଝଡ଼ ସହି ବଢ଼ାଇ କୁଢ଼ାଇ
ମଣିଷ ଟିଏ କରିଥାଏ ||
ସେ ଅଟେଇ ଆମ ପ୍ରଥମ ଶିକ୍ଷକ
ସ୍ନେହରେ ଶିକ୍ଷାଟିଦିଏ
ଆମ ଚରିତ୍ରକୁ ଗଢିଥାଏ ପୁଣି
ଭୁଲ କଲେ ମାଡ଼ ଦିଏ ||
ନିଜର ଖୁସିକୁ ପଛରେ ପକାଇ
ଆମ ଓଠେ ଖୁସି ଦିଏ
ଅନନ୍ୟ ଅଟେ ତାର ସେ ଭଲପାଇବା
ତା ସରି ହେବଯେ କିଏ ||
ଉପାସରେ ଯଦି ଶୋଇଗଲୁ କେଭେ
ନିଦ ନଥାଏ ତା ଆଖିରେ
ବୁଝାଇ ସୁଝାଇ ଲୋତକ ଝରାଇ
ଉଦରକୁ ଭରିଦିଏ ||
ତା ସରଳ ମନଟି ପବିତ୍ର ଗଙ୍ଗା
କିଏ ବା ବୁଝୁଚି କୁହ
ସପନ ଆମର ସାକାର କରଇ
ଓଠେପିଇ କେତେ ଲୁହ||
ମାଆ ର ଜୀବନେ ଦୁଃଖ ସଦା ଲେଖା
କିଏ ବୁଝି ପାରିନାହିଁ
ଯେତେ ଧନବାନ ହୋଇଥିଲେ ମଧ୍ୟ୍ୟ
ଋଣ ସୁଜିପାରିନାହିଁ ||
ସଭିଙ୍କୁ ଏତିକି ନେବେଦନ ମୋର
ଭୁଲିବ ନାହିଁଯେ ତାକୁ
ତାରି ପାଇଁ ସିନା ଆମେ ଏତେବଡ
ଦେଖୁଚୁଏ ପୃଥିଵୀକୁ ||

ମୋନାଲିସା ପ୍ରିୟଦର୍ଶିନୀ ନନ୍ଦ

ବାଙ୍କୀ, କଟକ

Share this :
Next Post

Oh! My Dear Face - Ananta Kumar Singh

Oh! My Dear Face Oh! My Dear Face Never be upset I didn’t come to pimples I didn’t come to dimples Oh! My dear face Never be upset I didn’t come to wrinkles I didn’t come to mind rankles Oh! My Dear Face Never be upset. Poet Biography – Ananta […]

Subscribe US Now