ଜୟ ଶ୍ରୀ ଗଣେଶ – ପ୍ରୀତି ମହାପାତ୍ର

Views: 36
0 0
Read Time:3 Minute, 30 Second

ମାତା ତୁମର ଜଗତ ଜନନୀ, 

ପିତା ଅଟନ୍ତି  ସୃଷ୍ଟି ର ଆଦି ଅନ୍ତ !

ଅଗ୍ର ପୂଜ୍ୟ ତୁମେ ହେ ଗିରିଜାନନ୍ଦନ, 

ଚରଣେ ଆଶ୍ରିତ ତୁମ କୋଟି ଭକ୍ତ !!

ମାତୃ ଆଜ୍ଞା ପୁର୍ଣ କରିବାପାୟୀ, 

ପିତା ର କ୍ରୋଧ- ଭାଜନ ହେଲ!

ନିଜ ଶିଶ ବଳି ଦେଇ ଗଜ ମୁଖ ଲଗାଇ,

ଗଜାନନ ପ୍ରଭୁ ନାମ ବହିଲ!!

କୋଟି ସୂର୍ଯ୍ୟ ପରି ତେଜ ତୁମର , 

ଅଜ୍ଞାନ-ଅନ୍ଧକାର କୁ ଦିଏ ଦୁରେଇ !

ସ୍ମରଣ କରି ଲୋକେ ନାମ ତୁମର, 

ସବୁ ବିପଦ କୁ ଦିଅନ୍ତି ଆଡେଇ !!

ରିଦ୍ଧି ସିଦ୍ଧି ସାଙ୍ଗେ ସଦା କର ବାସ, 

ଶୁଭ ଲାଭ କରେ ଯେ ଭଯେ  ତୁମକୁ !

ତୁମେ ବକ୍ରତୁଣ୍ଡ ତୁମେ ମହାକାୟ, 

ସ୍ମରିଲେ ଦୁଃଖ ନ ଆସେ ପାଖକୁ !!

ତୁମେ ଚତୁର୍ଭୁଜ ତୁମେ ଦୟାଵନ୍ତ , 

ମସ୍ତକରେ ଶୋଭା ପାଏ ସିନ୍ଦୁର !

ଫଳ ଫୁଲ ଦେଇ ଯେତେ ପୁଜିଲେ, 

ଲଡ଼ୁ ଉପରେ ଆଶା ଟି ତୁମର !!

ଦିବ୍ୟ ତୁମ ରୂପ ଦିବ୍ୟ ତୁମ କୃପା, 

ତୁମ ଦୟା ଥିଲେ ମୂର୍ଖ ହୁଏ ଜ୍ଞାନୀ !

ବର ଯାଚି କ୍ଷଣକେ କରିଦିଅ, 

ଦରିଦ୍ର କୁ ତୁମେ ମହାଧନୀ !!

କରପତ୍ର ଯୋଡି ମୁହିଁ କରୁଛି ନିବେଦନ, 

ସକଳ ମଙ୍ଗଳ କର ତୁମେ ଶ୍ରୀ ଗଣେଶ !

ହରଷେ ରୁହନ୍ତୁ ସଭିଏଁ ମିଶି, 

ସବୁରି ବିଘ୍ନ ହେଉ ନାଶ !!

ବିଘ୍ନ ବିନାଶନ ଶ୍ରୀ ଗଜାନନ, 

ତୁମ ଚରଣେ ପ୍ରଭୁ କୋଟି ପ୍ରଣାମ !

ଅଜ୍ଞାନ ଅବୋଧ  ମୁଁ ତୁମ ବାଳକ, 

ପୁର୍ଣ କର ମୋର ମନସ୍କାମ!!

ପ୍ରୀତି ମହାପାତ୍ର

ରାଇଘର,ନବରଙ୍ଗପୁର

Share this :
Next Post

ସପନ୍ - ପ୍ରଶାନ୍ତ ନାଗ

ସୁଖର୍ ସୁରୁଯ୍ ବର୍ଜି ଆସି ଆମର୍ ଦୁଖ୍ ଦରତ୍ ନେଉ ପୁଛି  । କଲେଁ ଖାଏମା ନାହେତ ନେଇଁ କାମ୍ ବୁତା କରି ଥଉଁତ ଆମେ ବଁଚି  ।। ଲୋକର୍ ସାଂଗେ ଲୋକ୍ ହେଇ ରହେମା ଯେତେ ଦିନ୍ ଥିମା ଇ ଧରା ଧାମେ  । କର୍ମ, ଭାଗ୍ୟର୍ ଫାନେଁ ନେଇଁ ପଡ଼ୁଁ ବିଶ୍ଵାସ ରଖିଥଉଁ ଆଁମେ ଆମର୍ କାଁମେ  ‌।। ତତ୍’ଲା ଖରା ଆର୍ ସେ ଝରୀ ଝଁକେର୍ […]

Subscribe US Now