କୃଷକ – ପବିତ୍ର ସାହୁ

Views: 32
0 0
Read Time:2 Minute, 15 Second

 ଗର୍ଭ ଧାତ୍ରୀ ମାଆ ଦେଇଛି ଜନମ

ପିତା ବଡ଼ କରି ଶିଖେଇଲେ କର୍ମ। 

ଉତ୍ତମ ପଥ ଦେଖାଇ ଗୁରୁଜନ 

ଅଜ୍ଞାନ ଦୂରେଇ ଦେଇଥିଲେ ଜ୍ଞାନ। 

ବନ୍ଧୁ ଠାରୁ ମୋତେ ମିଳିଲା ସାହାଯ୍ୟ

ସଂସାର ନୌକାରେ ପତ୍ନୀ ଆଭିମୁଖ୍ୟ। 

ପିତା, ମାତା ,ପତ୍ନୀ, ବନ୍ଧୁ, ଗୁରୁଜନ

ସଭିଙ୍କ ମୁଖରେ ଜଣେ ଦିଏ ଅନ୍ନ! 

ହେ  କୃଷକ ଭାଇ ତୋ ପାଇଁ ଗର୍ବିତ

ତୋ ଖାଦ୍ୟ ଖାଇ ଆଜି ମୁଁ ଜୀବିତ। 

ମାଟି ମାଆ କୋଳେ ସବୁଜ ଫସଲ

କେତେ ଫଳେ ଫଳ ଫୁଟିଥାଏ ଫୁଲ।

ରକତ ତୋହର ଝାଳ ରୂପେ ପଡ଼ି

ସୁନାର ପସଲ ଦେଉଛୁ ଅଜାଡ଼ି। 

ଚାଷ କାମ କରୁ ଗୀତ ଗାଇ ଗାଇ

ଶରୀରର କ୍ଳେଶ, ଦୁଃଖ ଭୁଲିଯାଇ। 

ସତରେ ମହାନ ହେ କୃଷକ  ଭାଇ

ଦେଶ ସବା କରୁ ଖାଦ୍ୟ ଯୋଗାଇ। 

ଲୁହ ଲହୁ ଢାଳି ଖରା ,ବର୍ଷା ,ଶୀତ

ତୋର ଶ୍ରମ ପାଇଁ କରେ ପ୍ରଣିପାତ। 

ପବିତ୍ର ସାହୁ ( ଅଧ୍ଯାପକ) 

ବନର, ପାଳଲହଡ଼ା

ଅନୁଗୋଳ

Share this :
Next Post

କୃଷକ - ଭୂମିସୁତା ସାହୁ

 ସ୍ବର୍ଣ୍ଣପ୍ରସୂ ଧରଣୀର ପ୍ରତି ଧୂଳିକଣା ଗାଉଅଛି ତୁମ ନାମ ଆକାଶ  ବି ଗାଊଅଛି ତୁମ ଜୟଗାଥା ଥରୁଛି ମୋ କବି ହସ୍ତ ଆଜି  ଲେଖିବାକୁ ତୁମରି କବିତା ।। ମାଟି ସହ ମାଟି ହୋଇ ତୁମେ ଦିନ ରାତି ଖଟିଖଟି  ଖରା ବର୍ଷା ଶୀତ କୁ ନ ଡରି କର  ପରିଶ୍ରମ  ହେ ବୀର କୃଷକ  ! ତୁମ ପାଦେ କରୁଅଛି ତେଣୁ ,ସହସ୍ରେ ପ୍ରଣାମ ।। କ୍ଷୁଧାର ଅନଳେ […]

Subscribe US Now