ଜୟ ଶ୍ରୀ ଗଣେଶ – ସସ୍ମିତା ସାହୁ

Views: 16
0 0
Read Time:3 Minute, 41 Second

 

ଜୟ ଶ୍ରୀ ଗଣେଶ      ବିଦ୍ୟାର ଦେବେଶ

         ଜୟ ହେ ପାର୍ବତୀ ନନ୍ଦନ ।

ତୁମରି ଚରଣେ          ମାଗୁଛି ଶରଣ

        ଘେନ ମୋ ପ୍ରାଣର ବନ୍ଦନ  ।।

ହେ ମୂଷିକ ରାଜ         ଆହେ ଅଗ୍ରପୂଜ୍ୟ

         ମହାଦେବଙ୍କର ଅଞ୍ଜନ ।

କରୁଛି ଗୁହାରି            ଆହେ ବିଘ୍ନହାରି

         କର ମୋ ଦୁଃଖକୁ ଭଞ୍ଜନ ।।

ତୁମ ଶୁଭ ଦୃଷ୍ଟି            ପଡ଼ିଗଲେ ଥରେ

         ସର୍ଵଜ୍ଞାନ ଲଭେ ଅଜ୍ଞାନ ।

ତୁମେ କୃପା କଲେ        ମିଳିଯାଏ ପରା

         ଅନ୍ଧକୁ ଚକ୍ଷୁର ସନ୍ଧାନ  ।।

ଜାଣିନାହିଁ ପ୍ରଭୁ            ନୀତି କି ନିୟମ

          କରିବାକୁ ତୁମ ପୂଜନ ।

ଭାଦ୍ରବ ଚତୁର୍ଥୀ            ତୁମ ଆଗମନେ

          ହସିଉଠେ ସାରା ଭୁବନ ।।

ବିଦ୍ୟା ଘର ମୋର         ରହିଗଲା ଅଧା

          ଘୋଟିଥିଲା କେଉଁ ଦୁର୍ଦିନ ।

ବିଘ୍ନ ବିନାଶକ            କର ହେ ଆଶିଷ

          ଫେରେଇଦିଅ ମୋ ସୁଦିନ ।।

କଲମକୁ ମୋର           ଆଶୀର୍ବାଦ କର

           ଶକ୍ତ ହେଉ ମୋର ଲିଖନ ।

ତୁମରି ଭଜନ              ଗାଇ ଗାଇ ପ୍ରଭୁ

           ବିତିଯାଉ ମୋର ଜୀବନ  ।।

             ସସ୍ମିତା ସାହୁ

             ଥେଣ୍ଟପୁର,ବିର ନରସିଂହ ପୁର,ପୁରୀ

Share this :
Next Post

ଗଣେଶ ଚତୁର୍ଥୀ - ଗୀତାମୟୀ ମହାପାତ୍ର

ଜୟ  ଜୟ ଶ୍ରୀ ଗଣେଶ           ଘେନ ମୋ ଜୁହାର  ବିଦ୍ୟା ବୁଦ୍ଧି ଧନ ଦାତା           ହୃଦୟ  ଠାକୁର ।। ହସ୍ତେ ଅଙ୍କୁଶ ଲେଖନୀ          ପାଉଥାଏ ଶୋଭା ମୂଷିକ ବାହନେ ପ୍ରଭୁ          ହୋଇଥାଅ ଉଭା।। ଅଙ୍ଗ ଲେପନ ହଳଦୀ          ଏକ ଠାବ କରି […]

Subscribe US Now