ଗଜାନନ – ପ୍ରଜ୍ଞାଲୀନ ସାହୁ

Views: 23
0 0
Read Time:2 Minute, 9 Second

 

ହେ ଗଜାନନ ପାର୍ବତୀର କୁଳନନ୍ଦନ 

ତୁମ ପଦାର୍ପଣ କରେ ବିଘ୍ନ ବିନାଶନ, 

ଧରିତ୍ରୀ ଲୋଡୁଛି ଏବେ ତୁମ  ଆଗମନ, 

କେତେ ଯେ ବିପଦ ଆସୁଛି କର ତାର ଖଣ୍ଡନ||

ଧୀରେ ଧୀରେ ଆହାକାର କମ୍ପୁଛି ଚାରିଆଡ଼ 

ଶୂନ୍ୟତାର ଛାଇ ଖେଳୁଛି ଦେଖି ଆହାକାର ମାଡ, 

ଧରିତ୍ରୀ ଦୁଃଖରେ ହେଲାଣି ମର୍ମାହତ, 

ଦେଖି ତାର ଶହ ଶହ ସନ୍ତାନର ଦେହାନ୍ତ ||

ତୁମ ମସ୍ତକର ଯେବେ ହୋଇଥିଲା ଛେଦନ 

ଦୟାମୟୀ ମା ସାଜିଥିଲେ ଚଣ୍ଡୀରୂପ ଧାରଣ, 

ଆଜି ଏଇ ଧରିତ୍ରୀ ମା ଖୋଜୁଛି ତୁମର ଆଗମନ, 

ଆଶୀର୍ବାଦେ ଉଦ୍ଧାର କର ତା ସନ୍ତାନର ଜୀବନ ||

ଗିରିଜା ନନ୍ଦନ ସଙ୍କଟ କର ଖଣ୍ଡନ 

ଦିଅ ଅଜ୍ଞାନ ମାନଙ୍କୁ ସତର ଜ୍ଞାନ, 

ପ୍ରଣମୟୀ ଗଜାନନ ଧରି ତୁମନାମ, 

ଭଜନ ଭକ୍ତି ପୁଷ୍ପ ଦେଉଅଛି ଅନ୍ତରୁ ଘେନ||

ମିସ. ପ୍ରଜ୍ଞାଲୀନ ସାହୁ

ଜଗତସିଂହପୁର

Share this :
Next Post

ଗଣେଶ ଚତୁର୍ଥୀ - ନଗେନ୍ଦ୍ର କୁମାର ରାଉତ

  ବିଘ୍ନ ବିନାଶକ  ନାମ ତ ଗଣେଶ  ବିଦ୍ୟାଦାତା ଗଣପତି, ଅଗ୍ରପୂଜ୍ୟ ତୁମେ ଆହେ ଗଜାନନ ବିଶ୍ୱ ତୁମେ ବିଦ୍ୟାପତି। କୈଳାଶ ନନ୍ଦିନୀ ଶଙ୍କର ଘରଣୀ ଜନନୀ ତୁମ ଲମ୍ବୋଦର, ଶ୍ରେଷ୍ଠ ମାତୃ ଭକ୍ତ ଘୋଷେ ଏ ଜଗତ ଜଗି ଥିଲ ଗୁମ୍ଫା ଦ୍ୱାର। ମାତାର ଆଦେଶେ ଦ୍ୱାର ପାଳ ବେଶେ ନ ଛାଡିଲ ଗୁମ୍ଫା କାରେ, ମହାଦେବେ ସହ ରଣେ ଅବତରି ଶକ୍ତି ପ୍ରଦର୍ଶନ କରେ। ନ ଜାଣି […]

Subscribe US Now