କୃଷକ – ସମର ବଲ୍ଲଭ ଭୋଇ

Views: 24
0 0
Read Time:3 Minute, 12 Second

 ଆଷାଢ଼ ପରେ କେତେ ଯେ ଆଷାଢ଼

ଶ୍ରାବଣ ପରେ  କେତେ ଯେ ଶ୍ରାବଣ

ଆସୁଛି ଯାଉଛି କୃଷକ ଜୀବନେ ଜାଣ

ଦୁଃଖ ପସରା ହୋଇଛି ତାଙ୍କ କାରଣ।।

ଶ୍ରାବଣ ବରଷା ଚାଷୀର ଭରସା

ବରଷକ ପାଇଁ ରଖଈ ଆଶା

ଅମାର ପୁରିବ ସଂସାର ହସିବ

ମନେ ମନେ ଭାବିଥାଏ ଯେ ଚଷା।।

କାହିଁ କେତେ କାଳୁ କୃଷକ ଭାଇନା

ବିଶ୍ବାସର ବୋଝସବୁ ମୁଣ୍ଡରେ ଲଦିଛି

ଜୀବନର ରହସ୍ୟ କୁ ଦେହରେ ଧରିଛି

ଖରା ଛାଇର ଲୁଚ କାଳି ଖେଳେ

ବିଶ୍ବାସ ଓ ଭରସା କୁ ପାଥେୟ କରିଛି।।

ଅହରହ ମୁଣ୍ଡଝାଳ ତୁଣ୍ଡରେ ମାରୁଛି

ଟିକିଏ ହସଖୁସିରେ ବଂଚିବାକୁ ଚାହୁଁଛି

ମଣିଷ ପାଇଁ ସେ ଶସ୍ୟ ଅମଳ କରୁଛି

ଚାଷକ୍ଷେତ ହସିବ ବୋଲି ଲଙ୍ଗଳ ଧରିଛି।।

ପ୍ରକୃତିର କୋଳେ ହଳଲଙ୍ଗଳ ଧରିଛି

ଅପେକ୍ଷାରତ ସେହି ବରଷାର ଧାରାକୁ

ଆତ୍ମବିଶୂାସର ସହ ମାଟି ମା`ର ବକ୍ଷଚିରି

ଦେଶ ପାଇଁ ଖାଦ୍ୟ ଯୋଗାଡ କରୁଛି।।

ଚାଷ କୃଷକର ହୃଦୟ ସ୍ପନ୍ଦନ

ହୃଦ୍ ସ୍ପନ୍ଦନ ଅଟକିଲେ ତାହା ମୃତ୍ୟୁ ସମାନ

କୃଷକ ହସରେ ଦୁନିଆଟା ହସେ

ଚାଷ ଅଛି ଯାହାର କେତେ ଖୁସି ତାହାର

ସିଏ ସିନା ଯୋଗାଏ ଦୁନିଆ କୁ ଆହାର।।

କୃଷକର ଆତ୍ମବିଶୂାସ ଆମ ପାଇଁ ସମ୍ପଦ

କୃଷକ ବଂଚିଲେ ଜୀବନ ବଂଚିବ 

କୃଷକ ଆମର ବିଶ୍ବାସ ର ବଂଧୁ

ତେବେ ତ  ଆସିବ ସଂସାରେ ଆନନ୍ଦ ।।

ଅଧ୍ୟାପକ ସମର ବଲ୍ଲଭ ଭୋଇ

ପଢୁଆଁପଦା

ବାଲେଶ୍ବର

Share this :
Next Post

କୃଷକ - ପବିତ୍ର ସାହୁ

 ଗର୍ଭ ଧାତ୍ରୀ ମାଆ ଦେଇଛି ଜନମ ପିତା ବଡ଼ କରି ଶିଖେଇଲେ କର୍ମ।  ଉତ୍ତମ ପଥ ଦେଖାଇ ଗୁରୁଜନ  ଅଜ୍ଞାନ ଦୂରେଇ ଦେଇଥିଲେ ଜ୍ଞାନ।  ବନ୍ଧୁ ଠାରୁ ମୋତେ ମିଳିଲା ସାହାଯ୍ୟ ସଂସାର ନୌକାରେ ପତ୍ନୀ ଆଭିମୁଖ୍ୟ।  ପିତା, ମାତା ,ପତ୍ନୀ, ବନ୍ଧୁ, ଗୁରୁଜନ ସଭିଙ୍କ ମୁଖରେ ଜଣେ ଦିଏ ଅନ୍ନ!  ହେ  କୃଷକ ଭାଇ ତୋ ପାଇଁ ଗର୍ବିତ ତୋ ଖାଦ୍ୟ ଖାଇ ଆଜି ମୁଁ ଜୀବିତ।  ମାଟି […]

Subscribe US Now