ଗଣେଶ ପୂଜା – ସୀମାଞ୍ଚଳ ପଣ୍ଡା

Views: 32
0 0
Read Time:4 Minute, 52 Second

 

ମହା ଦେବଙ୍କର   ମହା ଭର୍ତ୍ସନାରେ

     ମହା ସତୀ  ମହା ରୋଷ

ମହର୍ଷୀ ନାରଦ     ଟାଳନ୍ତି ପ୍ରମାଦ

     ପରାମର୍ଶେ  ହୁଏ  ଶେଷ।୧।

ସତୀ ଅଙ୍ଗୀକାର  ହେବ ତପଘୋର

      ଅରଣ୍ୟେ   କରନ୍ତି   ଗତି

ମାନସ   ସନ୍ତାନ    ପାଏ ସଞ୍ଜୀବନ

      ଜୀବନ୍ୟାସେ  ମହାସତୀ।୨।

ଦେବୀ ଆଶୀର୍ବାଦ   ସର୍ବ ଶକ୍ତି ପ୍ରାପ୍ତ

      ହୁଅନ୍ତି    ସେ   ଗଣ ଈଶ

ତପ  ସ୍ଥଳ ରକ୍ଷା    କର୍ମ ସଂସାଧନେ

      ଉପସ୍ଥିତ     ଦ୍ଵାର  ଦେଶ।୩।

ଈଶ୍ୱର  ସନ୍ଧାନେ   ଜାଣି  ଉପସ୍ଥାନ

      ଦେବୀ   ତପ  ବନ  ସ୍ଥଳ

ହୁଏ ଘୋର ରଣ     ସୁତ, ଶିବ ଗଣ

      ନ    ଛାଡନ୍ତି   ଦ୍ୱାର ପାଳ।୪।

କ୍ରୋଧେମହେଶ୍ୱର   ଗଣେଶଙ୍କ ଶିର

      ଛେଦନେ ମହା ସଙ୍କଟ

ଦେବୀମହାକୋପ     ପ୍ରଳୟ ସ୍ୱରୂପ

      ଅଦ୍ଭୂତ  କାୟା  ପ୍ରକଟ।୫।

ବ୍ରହ୍ମା ବିଷ୍ଣୁ ଶିବ      ସର୍ବଦେବାଦେବ

      ଉପସ୍ଥିତେ  ହସ୍ତୀ  ଶିର

ଛେଦନେସଂଯୋଗ  ଗଣେଶଶରୀର

      ସଞ୍ଜୀବନ    ପୁନର୍ବାର।୬।

ସର୍ବ ଧର୍ମ  ଜ୍ଞାନ     ଦାନେ ଶକ୍ତିମାନ

       ହୁଅନ୍ତି  ସେ  ଗଜାନନ

ଅଗ୍ର ପୂଜ୍ୟଦେବ    ଅଧିକାରଯୋଗ୍ୟ

       ପ୍ରାପ୍ତ  ସର୍ବ  ବର ଦାନ।୭।

ଧର୍ମ ଜ୍ଞାନଦାତା       ସିଦ୍ଧି ଶକ୍ତି ଧାତା 

       ଗଣେଶ ସେ ଗଣ ଈଶ

ଭାଦ୍ରବ  ଶୁକଳ       ଚତୁର୍ଥୀ   ଦିବସ 

        ଜନ୍ମ,   ପୂଜା ଅବକାଶ।୮।

ଆହେ ଗଜାନନ       ଗଉରୀ  ନନ୍ଦନ

        ଘେନ ଏ  ଦୀନ ପ୍ରଣତି

ଆଶିଷ    ପ୍ରଦାନ      ଶୁଦ୍ଧ  କର  ମନ

         ଅଜ୍ଞାନୁ   କର   ମୁକତି ।୯। 

ସୀମାଞ୍ଚଳ ପଣ୍ଡା

ଗଞ୍ଜାମ

        

Share this :
Next Post

ଗଣେଶ ଚତୁର୍ଥୀ - ରାମ ଚନ୍ଦ୍ର ପ୍ରଧାନ

  ଭାଦ୍ରବ ମାସର  ପୁଣ୍ୟ ଶୁକ୍ଳପକ୍ଷେ       ଗଣେଶ ଚତୁର୍ଥୀ ପଡ଼େ ମହା ଆନନ୍ଦରେ  ଗଣେଶଙ୍କ ପୂଜା        ହୁଏ ଭକ୍ତଜନ ଭିଡ଼େ l ମସ୍ତକେ ତିଳକ  କନ୍ଧରେ ପଇତା       ଆହେ ପ୍ରଭୁ ଏକଦନ୍ତ ଅନ୍ଧାର ପଥର  ତୁମେ ହିଁ ଆଲୋକ       ବିଦ୍ୟାପତି ଦୟାବନ୍ତ l ହେ ଗୌରୀ ନନ୍ଦନ  ବିଘ୍ନ ବିନାଶନ         ଗୁଣନିଧି ଗଜାନନ  […]

Subscribe US Now