ଉଦ୍ଧାର ହେ ଗଣପତି – ମନୋରମା ମହାପାତ୍ର

Views: 25
0 0
Read Time:6 Minute, 36 Second

ଜୟ ଗଜାନନ ବିଘ୍ନ ବିନାଶକ

                  ଗିରିଜା ମାତାଙ୍କ ସୁତ

ଅଭୟ ପଦରେ ଶରଣ ମୁଁ ଦୀନା

                   ଘେନ ମୋର ପ୍ରଣିପାତ ।।

ଇନ୍ଦୁର ବାହନ ପରେ ବିଜେ କର

                     ଢଳି ଢଳି ଗଣ ନାଥ

ମୁଷିକ ତତ୍ତ୍ଵରେ ଭୋଗର ଉପରେ

                    ତ୍ଯାଗ ସବାରର ତଥ୍ଯ ।।

ସ୍ୱର୍ଗ ମର୍ତ୍ତ୍ଯ ପୁର ପାତାଳେ ବନ୍ଦିତ 

                     ତୁମେ ଜ୍ଞାନ ଗଜମୋତି

ଗଜବଦନ ଙ୍କ ଦୟାରୁ ଲଭଇ

                         ଗଜମୂର୍ଖ ମହାମତି ।।

ଅମୃତ ନୟନେ ଚାହଁଦେଲେ ଥରେ

                     ଘୁଞ୍ଚଇ ଦୁଃଖ ଦୁରିତ

ହୃଦ ଶର ହସେ ବିମଳ ଆଭାରେ

                     ଶୁଭ ଇନ୍ଦୁ ପ୍ରକଟିତ ।।

ପିତା ମାତାଙ୍କର ଚତୁପାର୍ଶ୍ୱେ ଭ୍ରମି

                    ବୁଝାଇଲ ପୂଣ୍ୟ ତଥ୍ଯ

ପିଣ୍ଡ ବ୍ରହ୍ମାଣ୍ଡ ର ମଧୂ ସଂଯୋଗରେ

                   ପିତାମାତା ସ୍ଥାନ ଶ୍ରେଷ୍ଠ ।।

ସକଳ ପୁରାଣ ଶାସ୍ତ୍ର ଜ୍ଞାନ ନେତ୍ର

                    ତୁମରି ଦୟା ନିର୍ଝରେ 

ଉନ୍ମୀଳିତ ଆଜି ସାଧୁ ସନ୍ଥ ହୃଦେ

                   ସୁଧୀ ହୃଦୟ ମନ୍ଦିରେ ।।

 ଭାଦ୍ର ଶୁକ୍ଳ ପକ୍ଷ ପୂଣ୍ଯ ଚତୁର୍ଥୀକୁ

                   ପାଳୁ ସର୍ବେ ଭକ୍ତି ଚିତ୍ତେ

  ଅଖଣ୍ଡ ଭାରତେ ବିନାୟକ ପୂଜା

                 –   ବିଘ୍ନ ବିନାଶ ନିମନ୍ତେ ।।

 କରୋନା କବଳେ ସର୍ବେ ଭୟଭୀତ

                      ଭୂତୁଣୀ କରିଛି ବନ୍ଦୀ

   ଗୃହବନ୍ଦୀ ମଧ୍ୟେ ସମୟ ବିତୁଛି    

                        ଉଦ୍ଧାର ହେ ଗଣପତି   ।।                             କାମନା ବାସନା ଦୂର କରିବାକୁ

                     ଲଗାଅ ଜ୍ଞାନ ଅଙ୍କୁଶ

  ଅଗତି ର ଗତି ଦିଅ ଦିବ୍ଯମତି

                      ମନ ଦ୍ୱନ୍ଦେ ଦେଇ ପାଶ ।।

 ତ୍ରିଶୁଳେ ବିନାଶେ କଳୁଷ ଅନ୍ଧାର

                     ହୃଦ ହେଉ ଜ୍ଯୋତିଷ୍ମାନ

   କୃପା ଅମୃତରେ ଧନ୍ଯ କର ପ୍ରଭୁ

                      ଘେନାକର ନିବେଦନ ।।

    ଅଗତିର ଗତି ରିଦ୍ଧି ସିଦ୍ଧି ପତି

                    ଦୟା କର ଦୟାମୟ

     ଦୁର୍ଲଭ ଜନ୍ମ ହେଉ ସୁଧାମୟ

                     ଲଭି ତୋ କରୁଣା ତ୍ୱୟ ।।

ମନୋରମା ମହାପାତ୍ର 

ରାଇଘର

ନବରଙ୍ଗପୁର ,ଓଡିଶା ।

Share this :
Next Post

ଗଣେଶ ପୂଜା - ସୀମାଞ୍ଚଳ ପଣ୍ଡା

  ମହା ଦେବଙ୍କର   ମହା ଭର୍ତ୍ସନାରେ      ମହା ସତୀ  ମହା ରୋଷ ମହର୍ଷୀ ନାରଦ     ଟାଳନ୍ତି ପ୍ରମାଦ      ପରାମର୍ଶେ  ହୁଏ  ଶେଷ।୧। ସତୀ ଅଙ୍ଗୀକାର  ହେବ ତପଘୋର       ଅରଣ୍ୟେ   କରନ୍ତି   ଗତି ମାନସ   ସନ୍ତାନ    ପାଏ ସଞ୍ଜୀବନ       ଜୀବନ୍ୟାସେ  ମହାସତୀ।୨। ଦେବୀ ଆଶୀର୍ବାଦ   ସର୍ବ ଶକ୍ତି ପ୍ରାପ୍ତ       ହୁଅନ୍ତି  […]

Subscribe US Now