ଗଣେଶ ଚତୁର୍ଥୀ – ଘନଶ୍ଯାମ ତ୍ରିପାଠୀ

Views: 27
0 0
Read Time:3 Minute, 31 Second

ନମୋ ଗଣନାଥ  ଗଉରୀ ନନ୍ଦନ
        ସର୍ବ ବିଘ୍ନ ନାଶକାରୀ
ମଙ୍ଗଳ ମୂରତି  ଆହେ ବିଦ୍ୟାପତି
        ମାୟାକରାସୁର ଅରି।।
 ଅଗ୍ରପୂଜ୍ୟ ଆହେ! ସିଦ୍ଧି ବିନାୟକ
        ତୁମ ନାମେ ସର୍ବସିଦ୍ଧି
  ଅମଙ୍ଗଳ ସଦା  ରହିଥାଏ  ଦୂରେ
        ତୁମକୁ ପାରେ ନା ଭେଦି।।
 ଅନଳାସୁରର  ଘୋର ଅତ୍ୟାଚାରେ
         ଦେବେ ହୋଇଲେ ଅତିଷ୍ଠ
 ଜଣାଇଲେ ଦୁଃଖ ଗିଳି ସେ ଦାନବେ
          ନିବାରିଲ ତାଙ୍କ କଷ୍ଟ ।।
  ଆସିଛି ଭାଦ୍ରବ      ଶୁକଳ ଚତୁର୍ଥୀ
          ତୁମ ପୂଜନ ଦିବସ
  ଦଶଦିନ ଧରି       ତୁମରି ପରଶେ
         ସର୍ବେ ଲଭିବେ ସନ୍ତୋଷ।।
   ପୁର-ପଲ୍ଲୀ ସବୁ ସୁରମ୍ୟ ତୋରଣେ
          ଶୋଭା ପାଇବ ଅତ୍ୟନ୍ତ
   ମୂର୍ତ୍ତି ସଂସ୍ଥାପନା   ମେଢପରେ ତୁମ
           ହୋଇ ଉଠିବ ଜୀବନ୍ତ।।
  ମହା ଗଣପତି        ସିଦ୍ଧି ବିନାୟକ
             ମନକୁଲା ହଲବାଇ
   କାନିପକମ୍ ଠାରେ  ହୋଇବ ଉତ୍ସବ
            ମୁଖେ ତ ନହୂଏ କହି।।
   କରୋନା ପ୍ରକୋପେ ଆତଙ୍କିତ ସର୍ବେ
             ରହିଅଛି କଟକଣା
    ଫେଡ ଏ ସଙ୍କଟ     ତବ ମହୋତ୍ସବ
           ନ ହେଉ ଯେପରି ଊଣା ।।
          ଘନଶ୍ୟାମ ତ୍ରିପାଠୀ
 ବୀରମହାରାଜପୁର, ସୁବର୍ଣ୍ଣପୁର
Share this :
Next Post

ପାଦରେ ତବ ପ୍ରଣାମ - ତାପ୍ତିମୟୀ ପଣ୍ଡା ମିଶ୍ର

  ପାର୍ବତୀ ନନ୍ଦନ ବିଘ୍ନ ବିନାଶନ  ଭାଦ୍ରବ ଚତୁର୍ଥେ ଜନ୍ମ ଆହେ ଗଜାନନ ଗଣପତି ବାବା  ପାଦରେ ତବ ପ୍ରଣାମ ।। ପଞ୍ଚଦେବ ମଧ୍ୟେ ଶ୍ରେଷ୍ଠ ତୁମେ ପ୍ରଭୁ  ଅଗ୍ରେ ପୂଜା ପାଅ ନିତି  ମାତୃଭକ୍ତ ତୁମେ ମାତୃ ସତ୍ୟ ପାଳି  ଦୂର କରିଲ ବିପତ୍ତି ।। ପାର୍ବତୀଙ୍କ ଅଙ୍ଗ ମଳିରୁ ଜନ୍ମିଲ  ସୁରକ୍ଷା କବଚ ହୋଇ  ବିଘ୍ନ ତାଙ୍କ ହରି ମହାଦେବ କୋପୁ  ମିଳନ ଦେଲ କରାଇ ।। […]

Subscribe US Now