ଶ୍ରୀ ଗଣେଶ ଭଜନ – ଈଶ୍ବର ଚନ୍ଦ୍ର ସାହୁ

Views: 34
0 0
Read Time:2 Minute, 40 Second

 

ଜୟ ଜୟ ଗଣନାଥ ମହାପ୍ରଭୁ ଜୟ ଗଉରୀ ନନ୍ଦନ

ବିଦ୍ୟା ବୁଦ୍ଧି ଜ୍ଞାନ ପ୍ରଦାୟକ ପ୍ରଭୁ ଅଟ ତୁମେ ଭଗବାନ।(୧)

ଜୟ ଜୟ ଗଣନାଥ ମହାପ୍ରଭୁ ଜୟ ଜୟ ଗଜାନନ

ତବ ଶ୍ରୀଚରଣେ କରଯୋଡି ମୁହିଁ କରୁଅଛି ନିବେଦନ।(୨)

ଆହେ ଗଜାନନ କରୁଛି ସ୍ମରଣ ଦିଅ ମୋତେ ବୁଦ୍ଧି ଜ୍ଞାନ

ଦିବା ନିଶି ମୁହିଁ ତୁମ ସେବା କରି ଗାଉଥିବି ଜୟ ଗାନ।(୩)

ବିଦ୍ୟାର ଭଣ୍ଡାର ଧରି ଅଛ କର ପ୍ରଭୁ ମୂଷିକ ବହନ

ଆକୁଳେ ମାଗୁଛି ଆହେ ଗଣପତି ଦିଅ ପ୍ରଭୁ ବିଦ୍ୟା ଦାନ।(୪)

ତୁମ୍ଭ କୃପାବଳେ ମୁର୍ଖ ହୁଏ ଜ୍ଞାନୀ ଜାଣି ଛନ୍ତି ଜଗତରେ

ମୋ ବେଳକୁ କିମ୍ପା ନ ଶୁଣୁଛ ପ୍ରଭୁ ଡାକୁଛି ଅତି ଅତୁରେ।(୫)

ଭଲ ବାଟ ଭଲ ବୁଦ୍ଧି ଦିଅ ମୋତେ କରୁଅଛି ମୁ ମିନତି

ଭଲ କାମ କରି ରଖିବି ମୁ ଯଶ ଦିଅ ମୋତେ ଏ ଶକତି।(୬)

ଧର୍ମ ପଥେ ପ୍ରଭୁ ଘେନି ଯାଅ ମୋତେ ଏତିକି ମାଗୁଣି ମୋର

ଜ୍ଞାନର ଅଲୋକେ କର ଆଲୋକିତ ବିନତି କରେ ଈଶ୍ୱର।(୭)

ଜୟ ଜୟ ଗଣନାଥ ମହାପ୍ରଭୁ ଜୟ ଜୟ ଗଣପତି

କରହେ ସୁଦୟା ତବ ପାଦତଳେ ସଦା ରହୁ ମୋର ମତି।(୮)

ଈଶ୍ୱର ଚନ୍ଦ୍ର ସାହୁ

ଗ୍ରାମ:- ପଲସାଗୋରା

ପୋ:- ବଘିଆବାହାଲ

ଜିଲ୍ଲା:- ବୌଦ୍ଧ

Share this :
Next Post

ଗଣେଶ ଚତୁର୍ଥୀ ପ୍ରତିଯୋଗୀ ତାଲିକା - କବିତା ମିନାର ସାହିତ୍ୟ ଘର

ସହଭାଗିତା ପ୍ରଶଂସାପତ୍ର, ବିଜେତା ତାଲିକା ଏବଂ ଶ୍ରେଷ୍ଠ ବିଜେତାଙ୍କ ମାନପତ୍ର ପାଇଁ ପ୍ରତେକ ଦିନ ଦେଖୁଥାନ୍ତୁ ଆମ ୱେବସାଇଟ l ଏବଂ ସମସ୍ତ ପ୍ରତିଯୋଗିତା କବିତା ମଧ୍ୟ ପାଇପାରିବେ l Www.kabitaminar.com 1.ଶିବ ପ୍ରସାଦ ସାହୁ, ନୟାଗଡ଼ 2.ମିସ୍ ପ୍ରଜ୍ଞାଲିନ୍ ସାହୁ, ଜଗତସିଂହପୁର 3. ଲିଙ୍ଗରାଜ ସେଠ୍,  ସୁବର୍ଣ୍ଣ ପୁର 4. ରଞ୍ଜୁଲତା ପାଢ଼ୀ, ରାଉରକେଲା 5. ବିଶ୍ୱବନ୍ଦିତା ପୁରୋହିତ, ବରଗଡ଼ 6. ରଙ୍କନିଧି ସେଠୀ, ରାଉରକେଲା 7. ନଗେନ୍ଦ୍ର […]

Subscribe US Now