ମଧୁର ବଚନ – ବିନୋଦିନୀ ଦାଶ

Views: 36
0 0
Read Time:1 Minute, 52 Second

ମଧୁର ବଚନ ଶୁଣିବାକୁ ମିଠା

ନିଏ ଜନ ମନ ମୋହି

ନମ୍ରତାର ସାଜ ତାହା ସାଥେ ଥିଲେ

ହୃଦୟକୁ ଯାଏ ଛୁଇଁ ।

ମଧୁ ମିଠାଠାରୁ ଆହୁରି ମଧୁର

ବଚନଟି ଯିଏ କହେ

ସଭିଙ୍କର ପାଶେ ଆଦରଣୀୟ ସେ

(ଯଦି) ଶୁଦ୍ଧ ସ୍ବଭାବଟି ଥାଏ ।

ଆଗେ ମଧୁକଥା କହି ପଛପଟେ

ଯିଏ ମାରୁଥାଏ ଛୁରୀ

ଉତ୍ତମ ମଣିଷେ ନୁହେଁ ସିଏ ଗଣା

ସେ ଅଟେ ଅହିତକାରୀ ।

ସମାଜରେ ସବୁ ଅମଙ୍ଗଳ ହୁଏ

ଏମତି ଲୋକଙ୍କ ପାଇଁ

ସେ ମଧୁ- ବଚନୁ କି ଲାଭ ମିଳିବ

ତାଙ୍କଠୁ ରୁହ ଦୂରେଇ ।

ଏମିତି କଥାକୁ ବିଶ୍ବାସିଲେ ମନେ

ରହିଯିବ ଅବଶୋଷ

ପିମ୍ପୁଡି ମଧୁକୁ ଶେଷ କଲାପରି

ଧୀରେ ହେଉଥିବ ଶେଷ ।

ତୁଣ୍ଡ, ହୃଦ ଯା’ର ଅଟଇ ମଧୁର

ତାହାକୁ ପାଖରେ ବସା

ନିଜ ଜୀବନକୁ ସୁଖମୟ କରି

ବାନ୍ଧୁଥା ନିଜର ବସା ।

କୁରୁଆଁ, ମୁଗପାଳ, କବୀରପୁର, ଯାଜପୁର

Share this :
Next Post

ଅବୁଝା ପ୍ରିୟତମା - ଦୀପକ ସାହୁ

  ଏମିତି ଅବୁଝା ପ୍ରିୟତମା ତୁମେ କେମିତି କହିବି ବୁଝାଇ  ଋଷିଗଲ ତୁମେ କଥା ପଦକରେ  ଏମିତି ବା କ’ଣ କହି ଦେଲି    ? କଥା କଥାରେ ରାଗଋଷା ଫୁଣି କେତେ ମାନ ଅଭିମାନ ଟିକିଏ ସରାଗେ ସବୁ ଭୁଲିଯାଅ ତୁମେ ପରା ମୋ ପରାଣ ଧନ ଏଇ ‘ତ ପ୍ରେମର ରାଗ ଅନୁରାଗ    !! ତୁମ ଋଷା ମତେ ଭାରି ଭଲ ଲାଗେ,,, ଋଷିଗଲେ ତୁମେ […]

Subscribe US Now