ଠିକଣା ଚୋରି -ଶ୍ରୀଯୁକ୍ତ ସଂଗ୍ରାମ କେଶରୀ ସାମନ୍ତରାୟ

Views: 32
0 0
Read Time:4 Minute, 43 Second

 

ଅବାନ୍ତର ପୁଣି ସତ୍ୟର କାହାଣୀ 

ସବୁ ବୁଝାମଣାକୁ ଜଗିଥାଏ ପ୍ରହରୀ 

ପୂର୍ବଥର ଦୁଃଖ ଆସିଥିଲା 

ମଝି ରାସ୍ତାରେ ଯେଭଳି 

ଏଥରର ଯନ୍ତ୍ରଣା କରିଛି 

ଠିକଣା ଚୋରି ||

ଭାଗ୍ୟରେଖା ଜାତକ ବିଚାର 

କଷୁଥିଲା ସମୟର ଫଳାଫଳ  

କର୍ମ କଲାପରେ ମଧ୍ୟ 

ମିଳିଥିଲା ବାରମ୍ବାର ଅସଫଳ 

ଚାଲିଥିଲା ପ୍ରଭୁଙ୍କ 

ଭରୋସା ଜିତିବାର ଖେଳ 

ବୋଧହୁଏ ପ୍ରଭୁଙ୍କ ଠିକଣା ଚୋରି 

ହୋଇଥିଲା ବୋଲି ଆଖି ଦୁଇଟି 

ଲାଗିଥିଲା ଛଳଛଳ ||

ଅଲୌକିକ ଘଟଣା ଘଟୁଥାଏ 

ନିତ୍ୟ ନିରନ୍ତର 

ଶବ୍ଦର ଯାଦୁଗରୀ ଢଙ୍ଗରେ 

ଚାଲେ ପ୍ରଭୁଙ୍କ ପ୍ରଚାର 

ଭକ୍ତ ସ୍ନେହଭରା ଡାକ ଭକ୍ତିରେ 

ଭାବକୁ କରିଛି ବିସ୍ତାର 

ପ୍ରଭୁ କୃପା ବିଳମ୍ବ ପରେ ଠିକଣା ଚୋରି 

ଭାବରେ ଥାଏ ସଂସାର ||

ତୁମ ଭାବ ତ୍ୟାଗ 

ସୁଭିଥିଲା ବଇଁଶିର ସ୍ଵରେ 

ବିପଦରେ ତୁମେ ଠିଆ ହୋଇଥିଲ 

ଶଖାର ଦୁଆରେ 

ଆସିବାକୁ ଡେରି ହେଲାରୁ 

ସଖା କହୁଥିଲା ଠିକଣା ଚୋରି 

ହୋଇଛି ଅଧା ବାଟରେ 

ରସର କେଳି କରୁଥିଲ 

ଯମୁନା କୂଳରେ ||

 

ମରଣ ଆଗରୁ କହିଜଣେ 

ହାତଠାରି ଡାକୁଥିଲା ଦୂର ମେଘକୁ 

ଅସୁମାରୀ ଦୂରତାର ସ୍ମୃତି ଜାହାଜକୁ 

ଶେଷର ଭୋଗ୍ୟ ସୁନ୍ଦର ପ୍ରୀତି ଉନ୍ମାଦକୁ 

କହୁଥାଏ ଠିକଣା ଚୋରକୁ ଠିକଣା ଦେବାକୁ ||

ମୃତ୍ୟୁ ଶବ୍ଦାର୍ଥ ବୁଝେଇବାକୁ 

ଲାଗୁଥିଲା ବିପରୀତବୋଧ 

ନୀଚ କର୍ମ ହଜେଇଥିଲା ସମ୍ମାନବୋଧ 

ଜ୍ଞାନୀ ପଣ୍ଡିତ ଚିତ୍ରକାଟି ବୁଝନ୍ତି 

କର୍ମର ପ୍ରାରବ୍ଧ 

କର୍ମ ମାର୍ଗର ଠିକଣା ଚୋରିପରେ 

ଲାଗେ ଜୀବନର ମୂଲ୍ୟବୋଧ ||

ତୁମେ ଜଣ ନିର୍ବୋଧ 

ଶବ୍ଦର ଅହମିକାର ଗତି 

ସ୍ଥିତିର ସମଷ୍ଟି ଆକାଶକୁ 

ପାରିଛକି ବୁଝି 

ପରମେଶ୍ୱର ପୃଥିବୀର 

ରଙ୍ଗ ମଞ୍ଚରେ ଚାଲିଥାଏ ଖେଳି 

ଠିକ କର୍ମର ଠିକଣା ହଜିଛି 

ବୋଲି ସମସ୍ତେ ଖୋଜନ୍ତି କରି ପାଳି ||

Share this :
Next Post

ମଧୁର ବଚନ - ବିନୋଦିନୀ ଦାଶ

ମଧୁର ବଚନ ଶୁଣିବାକୁ ମିଠା ନିଏ ଜନ ମନ ମୋହି ନମ୍ରତାର ସାଜ ତାହା ସାଥେ ଥିଲେ ହୃଦୟକୁ ଯାଏ ଛୁଇଁ । ମଧୁ ମିଠାଠାରୁ ଆହୁରି ମଧୁର ବଚନଟି ଯିଏ କହେ ସଭିଙ୍କର ପାଶେ ଆଦରଣୀୟ ସେ (ଯଦି) ଶୁଦ୍ଧ ସ୍ବଭାବଟି ଥାଏ । ଆଗେ ମଧୁକଥା କହି ପଛପଟେ ଯିଏ ମାରୁଥାଏ ଛୁରୀ ଉତ୍ତମ ମଣିଷେ ନୁହେଁ ସିଏ ଗଣା ସେ ଅଟେ ଅହିତକାରୀ । ସମାଜରେ […]

Subscribe US Now