ପ୍ରଥମ ପ୍ରେମ – ଅଶୋକ କୁମାର ପରିଡା

Views: 25
0 0
Read Time:2 Minute, 36 Second

ପ୍ରେମ ମୋତେ ହୋଇଗଲା ପ୍ରଥମ ଦେଖାରେ
ମନମୋର ରହେନାହିଁ ମୋ ସୀମା ଭିତରେ।।
ଦୁଇ ଆଖିତାର କାଚ କେନ୍ଦୁଝର ପାଣି
ଥରୁଟେ ଦେଖାରେ ମୋର ମନ ନେଲା କିଣି।।
ଗୋଲାପ ପାଖୁଡା ପରି ତାରଦୁଇ ଓଠ
ମୁରୁକି ହସରେ ମୋତେ କଲା ଛଟପଟ।।
ଖୋଲା କେଶ ତାର ଉଡେ ଫରଫର
ଯେମିତିକି ପରୀଟିଏ ଝାଡୁଛି ତା ପର।।
ଚନ୍ଦ୍ର ପରି ଦିଶୁଥାଏ ତାମୁଖ ମଣ୍ଡଳ
ଚନ୍ଦ୍ରମା କିରଣ ତାର ନୟନ ଯୁଗଳ।।
ସେଦୁଇ ନୟନେ କଜ୍ଜଳର ଧାର
ଯେମିତି ଗଗନେ ଛାଇ କଳା ବାଦଲର।।
ଚାଲି ତାହାର ଢଳିଢଳି ମନ ମୋ କିଣିନିଏ
ଲାଗେଯେପରି ଚାଲୁଛି ରାଜ ହସୀଁଟିଏ।।
ଚାଲିଗଲେ ସେ ଯେଉଁବାଟେ ପଦ୍ମ ଫୁଟିଯାଏ
ହୃଦୟ ଭିତରେ ମୋର ବସା ବାନ୍ଧିଯାଏ।।
ହାତେ ଚୁଡି ଶବଦ ମୋ କାନେ ଯେବେ ଶୁଭେ
ହୃଦୟ ଭିତରେ ମନପକ୍ଷୀ କିଛିକିଛି ଭାବେ।।
କହିବାକୁ ଚାହେଁତାକୁୁ ମନ କିଛି ମୋର
ଦେଖିଦେଲେ ପାଖେଯାଇ ଲାଗେଭାରି ଡର।।
ଜାଣିବାକୁ ନାଁ ତାର ମନ ଚାହେଁ ବାରମ୍ବାର
କହିଦେଲି ମନକୁ ମୋ ପଚାରିବି ଆଗଥର ।।

ଅଶୋକ କୁମାର ପରିଡା
ଓଉପଦା,ଵାଲେଶ୍ଵର

Share this :
Next Post

ପ୍ରକୃତି କନ୍ଯା-ଆଖିରେ ବନ୍ଯା - ଡ. ପ୍ରିୟମ୍ବଦା ସାମଲ

ପ୍ରକୃତି କନ୍ଯା- ପାହାଡ଼ ପର୍ବତ ବନ ଗିରି ଲତା ଯିଏ ଦେଲା ମୋତେ ଜୀବନ ଫୁଲର ସୁବାସ, ସବୁଜିମା କୋକିଳର କୁହୁତାନ ଫଗୁଣର ଫଗୁଖେଳ ପଳାଶର ଲାଲିମା ପିକର ପିହୁ ସ୍ବର ମନ କଲା ଆନମନା ମୁଁ ପ୍ରକୃତି କନ୍ଯା ମୁଁ ପ୍ରକୃତି କନ୍ଯା ମୋ ଜୀବନ ଧନ୍ଯା। ଝରଣାର ମଧୁରଜଳ ନାଦ ତାର କଳକଳ ରଂଗ ବେରଂଗ ମିଠା ଫଳ ରୋଗ ପାଇଁ ଚେରମୂଳ ସବୁ ମୋ ପାଇଁ […]

Subscribe US Now