ଜୟ ମା ଭଟ୍ଟାରିକା – ଜ୍ୟୋତିର୍ମୟୀ ପଣ୍ଡା

Views: 36
0 0
Read Time:5 Minute, 26 Second

ବଡମ୍ବା ର ଅଧିଷ୍ଟାତ୍ରୀ
       ମା’ଲୋ ତୁ ଜଗଧାତ୍ରୀ
        ଭଟ୍ଟାରିକା ନାମେ ତୋର
                 ଉଡ଼ଇ ଧ୍ବଜା..
ରତ୍ନଗିରି ପାଦପରେ
        ଶ୍ବେତପଦ୍ମ ଦେଉଳରେ
           ପାର୍ଶ୍ବ ଦେବତାଙ୍କୁ ଧରି
                   ପାଉ ଲୋ ପୂଜା…

କଥା ଇଏ ପୁରାଣର
      କିମ୍ବଦନ୍ତୀ କହେ ତୋର
         ଶକ୍ତି ସଂନ୍ଧାନ ର କଥା
               ଲୋକ ମୁଖରେ..
ଅବତାରି ପର୍ଶୁରାମ
      ପାଇଥିଲେ ତୋ ସଂନ୍ଧାନ
          କରିଥିଲେ ତୋ ପ୍ରତିମା
                   ତୀର ମୁନରେ…

ତ୍ରିପୁରା ସୁନ୍ଦରୀ ତୁହି
      ବସିଛୁ ସୁବର୍ଣ୍ଣ ମୁହିଁ
          ଖଣ୍ଡା ଖର୍ପର କୁ ଧରି
                   ଅଭୟ ହସ୍ତେ..
ଦେଖିବାକୁ ବହୁଜନ
      ତୋ ପୀଠରେ ସମାଗମ
          ହୋଇଥାନ୍ତି ପାର୍ବଣର
                  ତୋ ସୁନାବେଶେ…

ପୂନ୍ଯତୋୟା ମହାନଦୀ
       ତୋର ପଦ୍ମପାଦ ଧୋଇ
          ବହିଯାଏ ତ୍ରୁପ୍ତ ହୋଇ
               ଖର ସ୍ରୋତରେ..
ବିନମ୍ରରେ ପ୍ରଣିପାତ
      କରି ବୋହିଯାଏ ସେତ
         ଅର୍ଦ୍ଦ ପ୍ରଦକ୍ଷିଣ କରି
               ତୋର ପାର୍ଶ୍ୱରେ…

ପାଇତୋର କ୍ରୁପାବଳ
     ସାହିତ୍ୟ ରେ ଅନର୍ଗଳ
        ଗାୟକ ରୂପରେ ଖ୍ଯାତ
                  କେତେ ଭକତ…
ଧରାଇଛୁ ଯଦି ତୁହି
     ମୋ ହାତେ ଲେଖନୀ ଆଜି
             କଣ୍ଠେ ବସି କର ତୁ’ମା
                     ପୁରଣ ପଦ….

କେତେ ଭକ୍ତ ଅଭକତ
     ଭାସୁଛନ୍ତି ଭବଜଳେ
         କୂଳ ରେ ଲଗାଅ ତୁହି
              ତାଙ୍କର ନାବ..
ଯୋଗବଳେ ଜ୍ଯୋତିର୍ମୟୀ
         ତୋ ପୀଠର ପାଖେ ଥାଇ
             ବଖାଣିଲା  ଦୁଇ ଧାଡ଼ି
                     ନଥାଇ ଭାବ……….

                      ଜ୍ୟୋତିର୍ମୟୀ ପଣ୍ଡା
                        ବଡମ୍ବା, କଟକ 

Share this :

Average Rating

5 Star
0%
4 Star
0%
3 Star
0%
2 Star
0%
1 Star
0%

One thought on “ଜୟ ମା ଭଟ୍ଟାରିକା – ଜ୍ୟୋତିର୍ମୟୀ ପଣ୍ଡା

Comments are closed.

Next Post

ଆଳୁ - ମୃତ୍ୟୁଞ୍ଜୟ ସାହୁ

ଆଳୁ ତୁମ ବିନା ଲାଗେ ସବୁ ଶୂନ୍ୟ ଶୂନ୍ୟ ଖଟା ଲାଗେ ତରକାରୀ lସବୁରି ଖାଦ୍ୟରେ ଲୋଡ଼ା ତୁମ ବୋଲି ବେଶୀ ହୁଅ ଦରକାରି ll ପୁନିଅ ପରବେ ଓଷା ବରତରେ ତୁମ ପାଖେ ନାହିଁ ବାଛ lପିଲା ଠାରୁ ବୁଢା ସଭିଙ୍କର ପ୍ରିୟ ସେଥିପାଇଁ ବୋଲାଉଛ ll ସିଝାଇ ତୁମକୁ ଆଲୁଚପ କଲେ ଜଳଖିଆ ହୋଇଯାଅ lମସଲା ସାଥିରେ ମିଶାଇ ରାନ୍ଧିଲେ ଆଳୁଦମ ବନିଯାଅ ll ହେଉ ବା ଆମିଷ ଅବା ନିରାମିଷ ସବୁଠି ଆଦର ତୁମ lସେଥିପାଇଁ […]

Subscribe US Now