ସୁପ୍ରଭାତ – ଡଃ ପଦ୍ମ ଲୋଚନ ରାଉତ

Views: 33
0 0
Read Time:3 Minute, 12 Second

କେତେ ଆଶା ନେଇ ନବୀନ ତପନ
ଧାରାକୁ ଆସିଛି ଆଜି
ସୁପ୍ରଭାତେ ଯେତେ ରାଗ ଅଭିମାନ
ନିମିଷକେ ଯାଉ ଭାଜି
ଏତିକି ପ୍ରାର୍ଥନା ମୋର
ରୋଗ ବ୍ୟାଧି କଷ୍ଟ ଅଭାବ କଷଣ
ଦୁଃଖ ପ୍ରଭୁ ଦୂର କର l 1

ପ୍ରତି ପ୍ରାଣେ ଦିଅ ଅପାର ଶକତି
ନୂଆ ଆଶା ଦିଅ ଭରି
ନିରୋଗ ଜୀବନ ସୁଖ ମୟ ହେଉ
କର ଏ ଭଵରୁ ପାରି
ଏତିକି କରେ ଗୁହାରୀ
ଶାନ୍ତିର ଦୁଆର ଖୋଲି ଦିଅ ପ୍ରଭୁ
ସକଳ ଯାତନା ହରି l 2

ହେ ଦୟାମୟ ମଙ୍ଗଳ ଆଳୟ
କରୁଣା ବିଧାନ ହରି
ଶରଣ ମାଗୁଛି ତୁମ୍ଭ ଶ୍ରୀଚରଣେ
ଦିଅ ହେ କରୁଣା ବାରି
ତୁମ୍ଭରି କରୁଣା ବଳେ
ସୂର୍ଯ୍ୟ ଚନ୍ଦ୍ର ତାରା ଆତଯାତ ଭବେ
ତୁମ୍ଭେ ସତ୍ୟ କାଳେ କାଳେ l 3

ହେ ଦୁଃଖ ନାଶନ ମଙ୍ଗଳ ବିଧାନ
ନିଖିଳ ଭୁବନ ସ୍ୱାମୀ
ପ୍ରତି ପ୍ରାଣେ ଭରି ଦିଅ ସୁଖ ଶାନ୍ତି
କରୁଣାର ଵୀଜ ବୁଣି
ତୁମକୁ ସୁମରି ନିତି
ହଟି ଯାଉ ସବୁ ବିପଦ ଆପଦ
ଆସୁ ସୁଖ ଶାନ୍ତି ପ୍ରୀତି l 4

ସୁଭାବନା ପ୍ରଭୁ ଭରି ଦିଅ ପ୍ରାଣେ
ଜଗତ କଲ୍ୟାଣ ପାଇଁ
ମାନବ ସେବାରେ ବିତୁ ଏ ଜୀବନ
ତୁମରି ମହିମା ଗାଇ
କରୁଛି ଶତ ପ୍ରଣାମ
ପ୍ରତିଟି ସକାଳ ହେଉ ଶୁଭ ମୟ
ଘେନା କର ନିବେଦନ l 5

ଡଃ ପଦ୍ମ ଲୋଚନ ରାଉତ
ଇଂରାଜୀ ଅଧ୍ୟାପକ,
ଗୋପବନ୍ଧୁ ଡିଗ୍ରୀ କଲେଜ, କାଲିମେଳା
ମାଲକାନଗିରି l

Share this :
Next Post

ଗୋମାତା - ବାଙ୍କାବିହାରୀ ମହାକୁର

ଏକାଦଶ ରୁଦ୍ରଙ୍କର ମାତା ସିଏ ଅଷ୍ଟ ବସୁଙ୍କର କନ୍ୟା ଦ୍ବାଦଶ ଆଦିତ୍ୟଙ୍କ ଅଟେ ଭଗିନୀ ସମାଜ ହୀତେ ସୁଦୟା । ହିନ୍ଦୁଧର୍ମ ମତେ ଆରାଧ୍ୟ ଗୋମାତା ସମୁଦ୍ରରୁ ହୋଇ ଜାତ କାମଧେନୁ ନାମେ ପାଇଛି ପ୍ରସିଦ୍ଧି ଜାଣିଛି ସାରା ଜଗତ । ଶରୀରେ ତାହାର ସର୍ବ ଦେବାଦେବୀ କରିଛନ୍ତି ଅବସ୍ଥାନ ସୃଷ୍ଟିର ସବୁଠୁ ଉପକାରୀ ପ୍ରାଣୀ କ୍ଷୀର ତା’ ଅମୃତ ସମ । ଦ୍ବାପର ଯୁଗରେ ଭଗବାନ କୃଷ୍ଣ ଗୋପାଳ […]

Subscribe US Now