ଜାଗର – ଅନାମ ଚରଣ ସାହୁ

Views: 15
0 0
Read Time:2 Minute, 35 Second

ଆହେ ପ୍ରଭୁ ଆଶୁତୋଷ ଭାବଗ୍ରାହୀ ଭକ୍ତ ବଶ
ଆଜି କି କରିବି ଅଳି ଜାଗର ଜାଳି
ତୁମେ ପରା ଜଗଦୀଶ ମନ ତୁମ ଆଜି ହର୍ଷ
ମନ୍ଦିର ପ୍ରାଙ୍ଗଣ ତୁମ ଉଠଇ ଝଳି
ଦୀପ ମାଳା ହରଷ ଭରେ
ଆଲୋକ ବିତରି ପ୍ରଭୁ ଅନ୍ଧାର ହରେ।

ନଭଦେଶେ ଦେବଗଣ କରି ମନ୍ତ୍ର ଉଚ୍ଚାରଣ
ଦରଶନ କରୁଛନ୍ତି ଊମା ମହେଶ
ହରି ଭକ୍ତ ହରନାଥ ବ୍ଯାକୁଳିତ ମନୋରଥ
ହରି ସଙ୍ଗେ ହର ଭେଟ ରହିଛି ଆଶ
ବିଭାବରୀ ଅପଲକରେ
ସମୟ ରହିଛି ଟାକି ଶୁଭ ଲଗ୍ନରେ।

ମହାଦୀପ ସଜ ହୋଇ ହରଷେ ରହିଛି ଚାହିଁ
ଶୁଭକ୍ଷଣ ଉପନୀତ ହେଲେ ମହୀରେ
ଆନନ୍ଦେ ଭକତ ଜନ ଶୁଦ୍ଧ ପୁତ ବିତ୍ତ ମନ
ବସାଇବେ ତାକୁ ନେଇ ଯଥା ସ୍ଥାନରେ
ହୁଳହୁଳି ଶଙ୍ଖ ଧ୍ବନିରେ
ମୁଖରିତ ହେବ ବିଶ୍ବ ନିଶାଅନ୍ତରେ।

ଯୋଡ଼ି ମୋର ବେନିକର ଆକୁଳ ମୀନତି ହର
ଅକିଞ୍ଚନେ କର ଦୟା କୃପା ସାଗର
ଭଜୁଥିବି ତବ ନାମ ନେବ ମୋତେ ତୁମ ଧାମ
ଆଶ୍ରିତ ମୁଁ ଜାଳୁଥିବି ନିତି ଜାଗର
କ୍ଷୁଦ୍ର ଏହି ହୃଦ କନ୍ଦରେ
ଜଣାଣ ମୋ ଘେନାକର ମନ ମନ୍ଦିରେ।

ଅନାମ ଚରଣ ସାହୁ
ବିଭୁତିପୁର, କାକଟପୁର, ପୁରୀ
ମୋ-୯୯୩୭୨୧୦୨୬୦

Share this :
Next Post

ବୈ ତରଣୀ - ସୁରେଶ ଚନ୍ଦ୍ର ମହାନ୍ତ

ଛୋଟ ବେଳେ ପଡି ଉଠି କୂଳେ ଯେବେ ତୋରି ବୁଲୁ ଥିଲି ମୁଁ ଜମା ଯାଇ ନାହିଁ ପାସୋରି ! ସିନ୍ଦୁର ଗୌରୀ କନିଆଁ ଵୁଡା ସୁନାଚୁଳି ନିରେଖି ଦେଖିଛି ପ୍ରାଣେ ମନୋହର ଶିରୀ ! ଅନ୍ଧାର ହୋଇ ଯେବେ ଆସେ ରାସ୍ତା ଘାଟ ଭୟେ ବରଜି ଆସୁ ବୈତରଣୀ ତୋ ତଟ ! ରାତି ଖିଆ ସାରି କୋଳେ ବସି ବୁଢ଼ୀ ମାଆ ର କଥା ପଡେ ଭୀମକୁଣ୍ଡେ […]

Subscribe US Now