ଭିନ୍ନତା – ସସ୍ମିତା ପଣ୍ଡା

Views: 60
0 0
Read Time:1 Minute, 48 Second

ତୁମକୁହ ଯାହାକୁ ବେଦନା ର ଭୂଗୋଳ
ନିଃସ୍ବ ପ୍ରତିଛବି ପାଖେ ଜୀବନ ତମସା
ମୁଁ କୁହେ ସେ ଅପେକ୍ଷିତ ସବୁଜ ସକାଳ
ସ୍ବାଗତ ବୈଭବ ଆଙ୍କେ ଆଲୋକ ର ଦିଶା ।।

ତୁମପାଖେ ଲେଖା ଯାହା ଶୂନ୍ୟ ଇସ୍ତାହାର
ଅସଜଡା ଭାଗ୍ୟରେଖା ଶ୍ରୀହୀନ ପରିଧି
ମୋ ଆଖିରେ ଅମୋଘ ମୂହୂର୍ତ୍ତ ସେ ଆତ୍ମସମୀକ୍ଷାର
ଶାନ୍ତ ଆଭରଣେ ଦୃଢ଼ ସଂକଳ୍ପ ଅବଧି ।।

ବଇଶାଖି ଅନଳରେ ଦଗ୍ଧ ସର୍ତ୍ତାବଳୀ
ତୁମେ କହିଥାଅ ଯାହା ଅଭିଶପ୍ତ ଆୟୂ
ମୋ ଦୃଷ୍ଟିରେ  ନିର୍ଣ୍ଣାୟକ ପୂଣ୍ୟ ପଦ୍ୟାବଳୀ
ଅବଶିଷ୍ଟ ପ୍ରାରବ୍ଧ ର ପୁଲକିତ ସ୍ନାୟୁ ।।

ନିୟତି ଆଦର ପାଖେ ନିଷ୍ଠୁର ସତ୍ୟତା
ତୁମ ସୀମାନ୍ତ ରେ ମୋର ଏମିତି ଭିନ୍ନତା ।।

ସସ୍ମିତା ପଣ୍ଡା
କଟିକଟା, କଟକ

Share this :
Next Post

ପ୍ରଭାତ ଦୃଶ୍ଯ - ଜ୍ଯୋତିର୍ମୟୀ ପଣ୍ଡା

ପ୍ରଭାତର ଶୁଭ ଆଗମନ ଜାଣି। ତରୁ ଉହାଡ଼ରୁ କାଉ ରାବିଲାଣି।। ଚାମୁଣ୍ଡା ପାହାଡ କଣରୁ ତପନ। ସୁବର୍ଣ୍ଣ ପିଣ୍ତୁଳା ପ୍ରାୟେ ଦୃଶ୍ୟମାନ।। ସର୍ବ ଜନ ମନ କରିଣ ମୋହିତ। ପ୍ରାଚୀଭାଗେ ଉଦେ ହୁଅନ୍ତି ରୋହିତ।। କୃଷକ ଧରିଣ ହଳ ଓ ଲଙ୍ଗଳ। କ୍ଷେତକୁ ବାହାରି ଗଲାଣି ସହଳ।। ଆଣେ ଉପହାର ଫୁଲର ସମ୍ଭାର। ପୁଷ୍ପିତ ବିପିନ ଦିଶଇ ସୁନ୍ଦର।। ସୁନେଲୀ କିରଣ ପରଶକୁ ପାଇ। ଉଦ୍ଭିର୍ଣ୍ଣେ ଉତ୍ପଳ ପାଖୁଡା ମେଲଇ।। […]

Subscribe US Now