କୃଷକ – ଯୋଗେଶ୍ବର ଗହୀର

Views: 31
0 0
Read Time:3 Minute, 28 Second

 ହେ ବୀର କୃଷକ…. 

ଆଉ କେତେ ତୁ ଖଟିବୁ

ପୁରାଇବା ପାଇଁ 

ଏ ଅବିବେକୀ ମଣିଷ ମାନଙ୍କ ପେଟ।

ସେମାନେ ଦେବେନି

ତୋ ପରିଶ୍ରମର ମୂଳ… 

ସେମାନେ ଦେଖିବେନି

ତୋ ସ୍ଵେଦ ଭିଜା ଲୁଗା । 

ସେମାନେ ପରା ଉଚ୍ଚ ଶିକ୍ଷିତ ସହରିଆ ପାଠୁଆ । 

ସେମାନେ ଭାବୁଛନ୍ତି, 

ଏ ଘଡ୍ ଘଡ୍ ଶବ୍ଦ କରୁଥିବା ମେସିନ୍ ହିଁ 

ଯୋଗାଉଛି ତାଙ୍କୁ 

ଖାଦ୍ୟ ବସ୍ତ୍ର ଓ ବାସଗୃହ । 

ସେମାନେ ବୁଝିଛନ୍ତି ସବୁକିଛି କିଣି ହେବ 

ହାତେ ଥିଲେ ସେହି ଗାନ୍ଧୀ ଫଟୋ ଲଗା 

କାଗଜ ବିଡ଼ା । 

ତୋ ପରିଶ୍ରମକୁ ତୋଳୁଛନ୍ତି 

ଟଙ୍କାର ତରାଜୁରେ… 

ତୋ ନିରୀହତାକୁ ଦଳୁଛନ୍ତି 

ଦାମିକିଆ ଜୋତା ଲଗା ପାଦରେ । 

ଆଉ କେତେ ତୁ ନିଜ ଦେହର ରକ୍ତକୁ 

ପାଣି କରି ବୁହାଇବୁ… 

ଆଉ କେତେ ରାତି ଅନିଦ୍ରା ରହି 

ଜାଗ୍ରତ ପ୍ରହରୀ ସାଜିବୁ । 

ଏ ଟଙ୍କାର ମୁଖୋଟ ଲଗା ସାମାଜ ଆଗରେ 

ତୁ ମୁଣ୍ଡ ଟେକି ହୋଇପାରିବୁନି ଠିଆ.. 

କୁଆଁରୀ ହେଇ ରହିଯିବ ତୋ ଅଲିଅଳି ଝିଅ 

ନ ଦେଇ ପାରିଲେ ବାହା । 

ତୁ ଯେତେ କାନ୍ଥଫଟା ଚିତ୍କାର କଲେବି 

ଶୁଣିବେନି କେହି 

ସଭିଙ୍କ କର୍ଣ୍ଣରେ ଗର୍ବର ପରଦା…

ତୁ ସିନା ବେକରେ ଫାଶୀ ଲଗାଇ

କରିବୁ ଚାଷୀ ଆତ୍ମହତ୍ୟା 

ହେଲେ ସେମାନେ ଦେଖି 

ତୋ ମୃତ୍ୟୁର ନେଉ ଥିବେ ମଜା । 

ଯୋଗେଶ୍ୱର ଗହୀର

କେସିଙ୍ଗା 

କଳାହାଣ୍ଡି

Share this :
Next Post

କିଷାନ୍ ଭାଇର ଦୁଃଖ - ଅନୀତା ବେହେରା

 ମୁଣ୍ଡରେ ହାତ ଦେଇ କିଷାନ ଭାଇ |           ବଶିଅଛି ହିଡ଼ ମୁଣ୍ଡରେ ଯାଇ || ବର୍ଷା ନପଡ଼ୁଣୁ କରିଲା ଚାଷ |           ଗୋବର ଚାଷକୁ ଦେଲା ବହୁତ || ସାହୁକାର ଠାରୁ କରଜ ଆଣି |           ବିହନ ବଜାରୁ ଆଣିଲା କିଣି || ବିହନ ଜମିରେ ଦେଲା ଫୋପାଡ଼ି […]

Subscribe US Now