ବୃକ୍ଷ ମହିମା – ଜନ୍ମଜୟ ନାୟକ

Views: 44
0 0
Read Time:2 Minute, 36 Second

ବନାନୀକୁ ନାଶ କଲା ଜନବିସ୍ଫୋରଣ,

ଜଙ୍ଗଲୀ ଜୀବଙ୍କ ବଂଶଲୋପ କାରଣ |

ମାନବ  ସମାଜ କରେ ଜଙ୍ଗଲନଷ୍ଟ,

ଅନାବୃଷ୍ଟି ତାପ ବୃଦ୍ଧି ଦିଅଇ କଷ୍ଟ |୧|

 

ଆଜି ଏକାଠି ହେଲୁ ଛାତ୍ରଛାତ୍ରୀଗଣ,

ମିଳିମିଶି କରିବୁରେ   ବୃକ୍ଷରୋପଣ |

ସମାଜକୁ କରିବୁ ଆମେ ସଚେତନ,

ସଭିଏଁ ଜାଣିବେ ବୃକ୍ଷ କେତେ ମହାନ |୨|

 

ଫଳମୂଳ ଛାଇ ବୃକ୍ଷକରେ ପ୍ରଦାନ,

ଔଷଧ ସାଜିକରେ ପୀଡାକୁ ହରଣ |

ଶ୍ୱାସକ୍ରିୟାପାଇଁ ଦିଅଇ ଅମ୍ଳଜାନ ,

ବର୍ଷା କରାଇ ବଞ୍ଚାଏ ଆମ ଜୀବନ |୩|

 

ଖାଦ୍ୟ ବସ୍ତ୍ର ବାସଗୃହ ଗଛ ଯୋଗାଏ,

ମଣିଷ ନବୁଝିଲେ ବଝାଇବ କିଏ   ?

ପରୋପକାରେ ଏହାର ହୁଏ ଜନମ,

ଜୀବଜଗତ ପାଇଁ ଏ ଦେବତା ସମ |୪|

 

ସରକାର ତରଫରୁ ବନମହୋତ୍ସବ,

ସ୍ୱଚ୍ଛ ପରିବେଶେ ବିଶୁଦ୍ଧ ବାୟୁ ପାଇବ |

ପରମମିତ୍ର   ବୃକ୍ଷ    ଅଟଇ     ଆମର ,

ବନୀକରଣ ଅଟେ ଦାୟିତ୍ୱ ସଭିଙ୍କର |୫|

 

ପକ୍ଷୀଟି ନୀଡ ରଚଇ ଗଛର ଡାଳେ ,

ବାଟୋଇ ଥକା ମେଣ୍ଟେ ତା ଛାଇ ତଳେ |

ତାହାର  ଡାଳ ପରା   ହୁଏ   ଜାଳେଣି ,

ମହାନ୍ ଅଟେ ତାହାର  ଜୀବନ କାହାଣୀ |୬|

 

ଜନ୍ମଜୟ ନାୟକ

ଯାଜପୁର

Share this :
Next Post

ତୁମକୁ ହୁଏ 'ମୁଁ ଝୁରି - ଚନ୍ଦ୍ରକାନ୍ତ ‌ଜେନା

  ପରଦେଶୀ ମେଘ ଉହାଡରେ ଜହ୍ନ ଉଙ୍କି ମାରେ ଥିରୀ ଥିରୀ ଧାରା ଶ୍ରାବଣର ବରଷାରେ ଭିଜି ତୁମକୁ ହୁଏ ‘ମୁଁ ଝୁରି                   !!   ପବନରେ ଭାସି ଆସେ ତୁମ ସ୍ମୃତୀ ମନ ହୁଏ ପୁଲକୀତ ବାହୁ ବନ୍ଧନରେ ବାନ୍ଧିନିଅ ଥରେ ମେଣ୍ଟୁ ଏ ମନର ଶୋଷ               !! […]

Subscribe US Now