କଥାର ଯାଦୁକର – ଜ୍ଯୋତିର୍ମୟୀ ପଣ୍ଡା

Views: 29
0 0
Read Time:2 Minute, 44 Second

ହେ, କଥାର ଯାଦୁକର.. 

ହେ.. କଥାର ଯାଦୁକର

କଥା କହି , 

ମୋହି ନେଲ

ମନ କୁ ମୋହର.. 

କରି ଦେଖେଇଲ 

ଯାହା କହିଥିଲ.. 

ତୁମରି କଥାରେ, 

ସାରା ରାତି 

ଭିଜିଲା ଭାବନା 

ବତୁରିଲା ମନ.. 

ଆବେଗ ବି ଉତୁରିଲା

ଲଙ୍ଘି, ତା’ର ପରିସୀମା

ବୟସ ର 

ଉତ୍ତପ୍ତ  ମଧ୍ଯାହ୍ନେ…

ତୁମେ ସିନା , 

ଯାଦୁକର ବୋଲି

କହିପାର ଖୋଲି

ତୁମ ମନକଥା 

ପୁଣି ଅଚାନକ

ଦେଇପାର ଦେଖା, 

ଗଢି ପାର  

ନଭଶ୍ଚୁମ୍ଭି ସ୍ତୁପ

ଜାଳି ଦେଇ 

ଆଶାର ଆଲୋକ

ନିରାଶା ର 

ଆମା ଅନ୍ଧାରରେ… 

ହେଲେ, 

ମୁଁ  ବନ୍ଦିନୀ

ମୋ ଚାରିପାଖ

ପ୍ରୁଥିବୀ ଭିତରେ…. 

ଅଭେଦ୍ୟ ଲକ୍ଷ୍ମଣରେଖା 

ଚାରିପାଖେ ମୋର.. 

ସେଥିପାଇଁ ବୋଧେ

ମୁଁ , ନିରୁପାୟ 

……ନିରୁତ୍ତର

ହେ, କଥାର ଯାଦୁକର.. 

ହେ, କଥାର ଯାଦୁକର.. 

ମାଗ ନାହିଁ 

କଥାର ଉତ୍ତର

ଶୁଭିବନି  

ତୁମକୁ ମୋ ସ୍ବର..

ହେଲେ, 

ମୁଁ ଜାଣିଛି.. 

ଅକ୍ଲେଶ ରେ 

ବୁଝିପାର ତୁମେ, 

ମୋର ….

ସୁକ୍ଷ୍ମ ମନସ୍ତତ୍ତ୍ୱ 

ଏ କଥାକୁ 

କହୁନି ମୁଁ

ଏହା….ମୋ ଦ୍ରୁଢବିଶ୍ବାସ!! 

ଜ୍ଯୋତିର୍ମୟୀ ପଣ୍ଡା

ବଡମ୍ବା

କଟକ

Share this :
Next Post

ସାହା ଏକା ସିଏ ମୋର - ବିଜୟ କୁମାର ସ୍ବାଇଁ

  ମାଆ ନାମ ଗୋଟି ସରଗ ଠୁ ବଡ   ମାଆ ର ମମତା ସାଗରୁ ଅମାପ    ମାଆ ର ପଣତ ଶ୍ରୀ ମନ୍ଦିର ନେତ ସଂସାର ତରି ରେ ତା ସେନେହ କାତ     ପେଟ କୁ ଚିହ୍ନି ଛି ମାଆ     ଦୁଃଖ ବିପଦରେ ସାହା ଯିବ ହଟି ଦୁଃଖ ରାତି   ମଥା ପରେ ଥିଲେ ମାଆ ହାତ।(୧) ଜନମ ଦେଇଛି […]

Subscribe US Now