ଭାରି ଭଲଲାଗେ – ଅମୂଲ୍ଯ କୁମାର ନାୟକ

Views: 66
0 0
Read Time:2 Minute, 1 Second

 

ଭାରି ଭଲଲାଗେ ତମ ସାଥେ ମିଶି
ବୁଲିବାକୁ କୋଣାରକ
ଭାରି ଭଲଲାଗେ ବସି ପୁଇଁବାକୁ
ଚନ୍ଦ୍ରଭାଗା ସୂର୍ଯ୍ଯାଲୋକ ।।

ଭାରି ଭଲଲାଗେ ସାଥିଟିଏ ହୋଇ
ଟୁଆଁଟୁଇଁ ଗପିବାକୁ
ଭାରି ଭଲଲାଗେ ରାତିଟିଏ ହୋଇ
ପ୍ରୀତିଟିଏ ବାଣ୍ଟିବାକୁ ।।

ଭାରି ଭଲଲାଗେ ତମ ମନ ତଳେ
ଲେଖାଥିଲେ ମୋର ନାମ
ଭାରି ଭଲଲାଗେ ଟାହି ଟାପରାରେ
ହେଉଥିଲେ ବଦନାମ ।।

ଭାରି ଭଲଲାଗେ ତମେ ରୁଷିଗଲେ
ମୁଁ ଯାଏ ଟିକେ ରୁଷି
ଭାରି ଭଲଲାଗେ ମୁହଁକୁ ଫୁଲେଇ
ମତେ ଯେବେ କର ଦୋଷି ।।

ଭାରି ଭଲଲାଗେ କାଖେ ଗରା ଧରି
ଚାଲୁଥାଅ ଯେବେ ହସି
ଭାରି ଭଲଲାଗେ ଅମାନିଆ ମନ
ତମଠାରେ ଗଲେ ଫସି ।।

ଭାରି ଭଲଲାଗେ ପ୍ରଜାପତି ଜଳେ
ଛୁଇଁ ସେ ଫୁଲର ନିଆଁ
ଭାରି ଭଲଲାଗେ ମତେ ଜଳିବାକୁ
ପାଇ ତୋ ପ୍ରୀତିର ଛୁଆଁ ।।

ଅମୂଲ୍ଯ କୁମାର ନାୟକ
କଟକ

Share this :
Next Post

ସପନର ଅନ୍ତରାଳେ - ବେଣୁଧର ସୂତାର

ଏଇ ନୀଳ ଆକାଶର ତଳେ ଜୋଛନା ପୀୟୂଷ ଢାଳେ ରୂପ ମାଧୁର୍ଯ୍ୟର କୁହୁକ ପସରା ଏ ମାଟି ପଣତ ତଳେ ସପନର ନଈ କୂଳେ ନିଝୁମ ରାତିର କୋଳେ ଝୁମିଝୁମିଆସେ ମୋହିନୀପ୍ରିୟାମୋ ମାନସରେ ଅବହେଳେ ସପନର ଅନ୍ତରାଳେ ।। ଜହ୍ନ ମାରୁଥିଲା ଆଖି ଲାଜ କରୁଥିଲା ସଖୀ ଲାଜୁକି ପ୍ରିୟାର ନୀଳ ନୟନରେ ମହୁଆ ଚମକ ଖେଳେ ସପନର ରଙ୍ଗଶାଳା ପ୍ରିୟା ମଧୁସ୍ପର୍ଶ ବୋଳା ସପନେପ୍ରିୟାର ପ୍ରୀତିମଧୁ ଖୋଜେ ନୀଳ […]

Subscribe US Now