ପ୍ରଣବ ମୁଖାର୍ଜୀ ସ୍ମରଣେ- ଶ୍ରୀବିଷ୍ଣୁ ପ୍ରସାଦ ଦଳେଇ

Views: 29
0 0
Read Time:5 Minute, 18 Second

 

ଜମ୍ବୁଦ୍ଵୀପେ ସେ ଭାରତ     ବିଶ୍ଵେ ଫରଫର ନେତ

            ତା’ କୋଳରେ ଜନ୍ମିଲେ ପ୍ରଣବ ମୁଖାର୍ଜୀ

    ଉନେଶ ପଞ୍ଚତିରିଶ                ସମ୍ଭୁତ ପ୍ରାଜ୍ଞପୁରୁଷ

            ରାଷ୍ଟ୍ରୀୟବିନ୍ଧାଣୀ ଜ୍ଞାନଦୀପକୁ ତେଜି

                     ଚାଲିଗଲ ସରଗଧାମ

            ଯଶ କୀର୍ତ୍ତି ରାଷ୍ଟ୍ରପ୍ରେମେ ବିଦିତ ନାମ ॥

    ଶିକ୍ଷକରୁ ରାଜନୀତି          ଅନେକ ବିଭାଗେ ମନ୍ତ୍ରୀ

              ପ୍ରତିରକ୍ଷା-ଅର୍ଥ-ବୈଦେଶିକ ବ୍ୟାପାର

    ପରିଶେଷେ ରାଷ୍ଟ୍ରପତି            ଭାରତ ରତ୍ନ ଉପାଧି

             ପ୍ରାପତ କଲ ସମ୍ମାନ ହେ ବିଜ୍ଞବର

                    ତୁମେ ଏବେ ଅଳକାପୁର

             ମରତର ପାରିଜାତ ଥିଲଆମର    ॥ 

    ମହିମା ଦୀପ୍ତ ସୁବୁଦ୍ଧି             ଜ୍ଞାନବିଜ୍ଞାନେ ବାରିଧି

             ବିଚକ୍ଷଣ ରାଜନୀତି ଥିଲା ତୁମର

    ଦୁଇହଜାର କୋଡ଼ିଏ                 ଅଗଷ୍ଟେକତିରିଶଏ

             ପ୍ରାଣବାୟୁ ତେଜି ଗଲା ମରଶରୀର

                     ଝୁରେ ଏହି ଭାରତବର୍ଷ

            ପୁଷ୍ପାଞ୍ଜଳି ଘେନ ଆହେ ପୁଣ୍ୟପୁରୁଷ  ॥

    ହେ ପ୍ରଭୁ ଗରୁଡ଼ାସନ                ଅନନ୍ତ ଅଙ୍କେ ଶୟନ

               ଆହେ ପ୍ରଭୁ ଚକ୍ରଧର ଆରତ ହର

    ଦିଅ ଜୀବାତ୍ମାରେ ମୁକ୍ତି               ମୁକ୍ତିଦାତା ଲକ୍ଷ୍ମୀପତି

               ପଦ୍ମପାଦେ ଦିଅ ସ୍ଥାନ ସାରଙ୍ଗଧର

                     ତୁମ୍ଭ ପାଦେ ଆମ୍ଭ ମିନତି

             ପ୍ରଣବ ମୁଖାର୍ଜୀ ଆତ୍ମା ପାଉ ସଦଗତି  ॥

            ଶ୍ରୀବିଷ୍ଣୁ ପ୍ରସାଦ ଦଳେଇ

        ଶିକ୍ଷକ( ମାନସିଂହ ହାଇସ୍କୁଲ), ଗ୍ରାମ-ନନ୍ଦଳା

         ପୋ- ରାମଲେଙ୍କା,ଭା- ପାରିକୁଦ, ଜି-ପୁରୀ

Share this :
Next Post

ମୁଁ ଓଡିଆ ମୋ ମାଟି ଓଡିଶା - ସାଧନା ପଣ୍ଡା

ହେ ପୂଜ୍ୟ ଉତ୍କଳ ଗୌରବ !ତୁମେ  ଚାଲିଗଲା ପରେ ,ଏ ଓଡିଆଜାତି ମରୁ ଅଛି ନିତି ସ୍ୱିଭିମାନ ଅଭାବରେ ,,,,! ପ୍ରଥମ ଓଡିଆ ହୋଇ ଏମ୍ .ଏ ତୁମେରଖିଲ ଶିକ୍ଷାର ମାନପ୍ରଥମ ଓଡିଆ ବାରିଷ୍ଟର ହୋଇଭାଷାକୁ ବଞ୍ଚାଇ ଗଲ । ନିଜ ସ୍ୱାର୍ଥ ଛାଡି ଦେଶ ସ୍ୱାର୍ଥ ଲାଗିଜଣାଇଲ ଆହ୍ୱାନରେ  ଜାତି ପ୍ରେମ ବହ୍ନି ପ୍ରଜ୍ଜ୍ଵଳିତ କଲଓଡିଆ ଜାତି ମନରେ । ଉତ୍କଳ ଜନନୀ  ବୀରପ୍ରସ୍ରବିନୀସେପାଇଁ ଧନ୍ୟ ଉତ୍କଳ ଜନ୍ମି […]

Subscribe US Now